सुनपछि चिनियाँ नाकाबाट भेप तस्करी बढ्यो, मुस्ताङको कोरोला नाकाबाट मात्रै १९ हजार थान बरामद

नेपालबहस संवाददाता
माघ २२, २०८१ मंगलबार ११:४९:३९

२२ माघ, काठमाडौं । इलेक्ट्रिक चुरोट (भेप) को माध्यमबाट सुन तस्करी भएको दुई वर्ष नबित्दै यसको आयातलाई केही खुकुलो बनाइएको भएपनि तस्करहरूले अवैध रुपमा भेप ल्याउन थालेका छन् । चीनको बजारबाट नेपालको बाटो हुँदै अवैध भेप भारततर्फ तस्करी हुने गरेको छ । पहिला सुन तस्करी हुने नाकाबाटै भेप पनि तस्करी हुन थालेको सुरक्षा अधिकारीले जनाएका छन् । खासगरी सशस्त्र प्रहरीले मुस्ताङको कोरोला नाकाबाट भन्सार नतिरि आयात गरेका १९ हजार थान विद्युतीय चुरोट (भेप) बरामद गरेपछि तस्करी हुन थालेको खुलासा भएको हो ।
सशस्त्र प्रहरीकै सहयोगमा राजस्व अनुसन्धान विभागको टोलीले ललितपुरको इमाडोलमा स्टोर गरेर राखेको अवस्थामा उल्लेख्य परिमाणमा भेप बरामद गरिसकेको छ । जसले देशभित्र भेपको अवैध तस्करी भइरहेको देखाएको छ । इमाडोल क्षेत्रबाट राजस्वको टोलीले ५ सय १ कार्टुन अर्थात् ८६ हजार पिस भेप बरामद गरेको थियो । राजस्वको टोलीले अहिले भेप चीनबाट नेपाल आएर भारत जान सक्ने अनुमान गरेको छ । सशस्त्र प्रहरी र राजश्व अनुसन्धान विभागको टोलीले एक साताको अवधिमा अन्य जिल्लाबाट पनि भेप बरामद गरिरहेको छ ।
पथलैयामा पनि ४ हजार पिस भेप बरामद भएको थियो । । बुटवलमा पनि २ हजार ६ सय ३० पिस भेप बरामद भएको थियो । भेरी ट्रान्सपोर्टको लु प ३००१ ख ०११४ नम्बरको गाडीमा ल्याइएको उक्त परिमाणको भेप बरामद भएको थियो । त्यहाँ डायमन्ड नेपाल इन्टरनेशनलका रोजन न्यौपाने र सनाउल्लाह अन्सारीलाई पक्राउ गरेर अनुसन्धान भैरहेको स्रोतले जनाएको छ । उनीहरूको बयानको आधारमा नै थप भेपहरु भेटिएको हो । अनुसन्धान चलिरहेको छ ।
पछिल्लो समय इमाडोल र मुस्ताङबाट बरामद भएको भेपको सूचना पक्राउ परेका तिनै दुई जनाले दिएका थिए । त्यही सूचनाको आधारमा प्रहरी र राजस्वले थप अवैध रुपमा आएको भेप बरामद गरेको हो । चीनबाट आएको भेप खरिद गर्ने अन्सारीको श्रीमतीको नाममा तसनीय जनरल स्टोरको फर्म रहेको छ । त्यही फर्मले भेप खरिद गरेको देखिएको हो । सस्तोमा खरिद गरेको भेप उनले भारतको अर्को पार्टीलाई बिक्री गर्ने गरेको देखिन्छ । प्रहरी र राजस्वले बरामद गरेको अधिकांश भेप नेपालबाट भारत जाने गरेको देखिएको छ । चीनबाट रसुवा र तातोपानी नाका हुँदै काठमाडौं भेप ल्याउने गरिएको छ । बुटवलमा बरामद भेप काठमाडौंबाट डायमन्ड नेपाल इन्टरनेसनल ल्याएको खुलेको हो । यसका सञ्चालक सुमन शर्मा फरार रहेका छन् ।
निकोटिनयुक्त भेप आयात गर्दा प्रति किलो ४० प्रतिशत भन्सार महसुल, ४७५ रुपैयाँ अन्तःशुल्क र मूअकर बुझाउनुपर्ने हुन्छ । तर निकोटिनविहीन भेपको आयातमा भन्सार महसुल ५ र अन्तःशुल्क ३० प्रतिशतसहित मूअकर पनि तिर्नुपर्ने हुन्छ । ८ डलरमा कर तिरेपछि यसको मूल्य करिब दोब्बर हुन पुग्छ । स्वास्थ्य मन्त्रालय अन्तर्गतको राष्ट्रिय स्वास्थ्य शिक्षा, सूचना तथा सञ्चार केन्द्र गएको बैशाखमा भेपको आयात, निर्यात, उत्पादन, बिक्री वितरण र प्रचार प्रसारमा प्रतिबन्ध लगाउन सरकारी निकायहरूलाई पत्रचार गरेको थियो । त्यस्तो प्रतिबन्ध कार्यान्वयनका लागि वाणिज्य मन्त्रालयहुँदै राजपत्रमा सूचना प्रकाशित हुनुपर्ने कानुनी व्यवस्था रहेको छ ।
ललितपुरको एउटा गोदामबाट बरामद भएका भेपहरू दुईवटा ट्रकमा तातोपानी नाका हुँदै नेपाल भित्रिएको थियो । सो भेप व्यापारी रमेश शेर्पा र पवनकुमार साहको भएको स्रोतको दावी छ । यद्यपि उनीहरु अहिलेसम्म सम्पर्कमा पुगेका छैनन । पवनकुमार साह र रमेश शेर्पाले विगत केही बर्षदेखि चीनबाट नेपालका तातोपानी रसुवा हुँदै भेप तस्करी गरी भारतमा बिक्री गर्दैआएको स्रोतको दावी छ । तातोपानी र रसुवामा भन्सार विभाग र राजस्व अनुसन्धानले अनुगमन बढाएपछि उनीहरुले मुस्ताङको कोरलाबाट भेप तस्करी गर्दै आएको सूचना राजस्व अनुसन्धानले पाएपछि निगरानी बढाएको थियो । निगरानीकै क्रममा ललितपुरको इमाडोलको गोदाममा छापा मारेको ५० करोड बराबरको भेप बरामद गरेको थियो ।
उनीहरुले चीनबाट भेप नेपाल ल्याई भारतमा तस्करी गर्ने गरेको स्रोत बताउँछ । रौतहटको चन्द्रनिगाहपुरबाट नक्कली बाबु बनाई नागरिकता लिएका पवनकुमार साह र रमेश शेर्पाले लामो समयदेखि भेपको तस्करी गर्दै आएका थिए । उनीहरुले अरबौंको भेप चीनबाट ल्याउने र भारत लैजाने गरेको स्रोत बताउँछ । प्रहरीदेखि भन्सार सबैतिर सेटिङ गरी उनीहरुले भेपको तस्करी गर्ने र भारतमा लाने गरेका थिए । तर यो पटक राजस्वले सूचना पाएपछि उनीहरुको गोदाममै छापा मार्न सफल भएको थियो । अहिले यी सबै नाकामा राजश्व र सशस्त्रको टोलीले निगरानी बढाएपनि तस्करी नरोकिएको स्रोतको दावी छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपकाठमाडौंको काडाँघारीबाट साढे ४ सय किलो बढी रक्तचन्दन बरामद, दुई जना पक्राउ
माघ २, २०८१ बुधबार
भुटानी शरणार्थी प्रकरणः प्रतीकको मुद्दामा कैफियत प्रतिवेदन मगाउन सर्वोच्चको आदेश
पुष २२, २०८१ सोमबार
प्रहरी ऐन : नेपाल प्रहरीलाई किन चाहियो स्वतन्त्रता ?
नेपालबहस संवाददाता
माघ २५, २०८१ शुक्रबार
अपजसको भाडो : प्रहरीको विधेयक
सुबोधकुमार अधिकारी
माघ २५, २०८१ शुक्रबार
संघीय प्रहरी ऐन : नेपाल प्रहरीलाई किन चाहियो स्वतन्त्रता ?
नेपालबहस संवाददाता
माघ २६, २०८१ शनिबार
काठमाडौंको नागढुंगामा घुमुवा प्रहरीको मनपरी, आईजीपीको सचिवालय मौन !
माघ २७, २०८१ आइतबार
एआईजी रविन्द्र केसीले किन दिए पदबाट राजीनामा ?
माघ २७, २०८१ आइतबार
वर्षमान पुनप्रति एमाले महासचिव शंकर पोखरेलको आक्रोस, फोन संवादलाई अनर्थ लगाइयो
माघ २७, २०८१ आइतबार
सिरहाको देवीदह संरक्षण गर्न आर्थिक अभाव
माघ २८, २०८१ सोमबार
मधेश प्रदेशको सर्वाधिक धनराशीको दोस्रो वीरगञ्ज गोल्डकप फागुन दोस्रो सातादेखि
माघ २८, २०८१ सोमबार
आज ३४ औं अख्तियार स्थापना दिवस
माघ २८, २०८१ सोमबार
आज अन्तरराष्ट्रिय दाल दिवस, अरबी चितुवा दिवस पनि आजै
माघ २८, २०८१ सोमबार
कस्तो छ तपाईको आजको राशीफल ?
माघ २८, २०८१ सोमबार
कस्तो रहला आज दिनभरको मौसम ?
माघ २८, २०८१ सोमबार