बुधबार ४ अंकले घटेको बजारमा झण्डै ९ अर्बका शेयर खरिदबिक्री भए, नेप्से परिसूचक २७११ मा बन्द

नेपालबहस संवाददाता
माघ २३, २०८१ बुधबार १५:३६:६

२३ माघ, काठमाडौं । बुधबार शेयरबजार मापक नेप्से परिसूचक ४.४५ अंकले घटेको छ । आज नेप्से २७११.४५ अंकमा बन्द भयो । आइतबार ६९ अंकको बृद्धि भएको बजार त्यसयता निरन्तर घटिरहेको छ । मंगलबार १४.०८ अंकले घटेको नेप्सेले बुधबार ४.४५ अंकले घटेको हो । समग्र बजार घट्दा पनि कारोबार रकम भने केही बढेको छ ।
अघिल्लो दिन ८ अर्ब ९१ करोडको कारोबार भएकोमा आज ८ अर्ब ९५ करोडको भयो । ११३ कम्पनीको मूल्य बढ्दा १२२ को घट्यो भने ७ को स्थिर रह्यो । फाइनान्स सेक्टरमा आज उत्साह देखिएको छ । सो सेक्टर ५.६७ प्रतिशत बढ्यो । लोक्याप कम्पनीको बाहुल्य रहेको सो सेक्टर केही घटेको मौकामा आज अकस्मात लगानीकर्ता आकर्षित भए, जसले गर्दा सेक्टर नै उचालियो ।
दिनभर घटेको बजारमा ११३ कम्पनीको मूल्य बढ्दा १२२ कम्पनीको घटेको छ । बढ्नेमा आज पनि उपकार लघुवित्त अगाडि देखिएको हो । निरन्तर चार दिनदेखि सर्किट हानिरहेको उपकार लघुवित्तले आज पनि मूल्यमा पोेजेटिभ सर्किट लाउन सफल देखिएको छ । यो कम्पनीको मुल्य प्रतिकित्ता ६ हजार ६ सयमा पुगेको छ । यो बाहेक छ्याङग्दी हाइड्रको मूल्यमा पनि आज पोजेटिभ सर्किट लागको छ ।
हाइड्रोपावर सेक्टर ०.०४, निर्जीवन बीमा ०.१९ र अन्य सेक्टर ०.२८ प्रतिशत हरियो रहे । बैंकिङ ०.२६, विकास बैंक ०.९१, होटल तथा पर्यटन ०.४८, लगानी ०.२४, जीवन बीमा ०.३१, उत्पादन ०.८१, माइक्रोफाइनान्स ०.२६ तथा व्यापार १.४२ प्रतिशत घटे । कारोबार रकमका आधारमा नेपाल पुनर्बीमा कम्पनी, हिमालयन पावर पार्टनर, सप्तकोशी विकास बैंक, ग्रीन डेभलपमेन्ट बैंक र हिमालय ऊर्जा विकास कम्पनी अगाडि छन् ।
उपकार लघुवित्त, छ्याङ्दी हाइड्रोपावर र सेन्ट्रल फाइनान्सको मूल्य १० प्रतिशत बढ्यो । पोखरा फाइनान्सको ९.८१, समृद्धि फाइनान्सको ९.४६, भूगोल इनर्जीको ९, गुहेश्वरी मर्चेन्ट फाइनान्सको ८ प्रतिशत मूल्य बढ्यो । दुई कम्पनी सामुदायिक लघुवित्त र कर्पोरेट डेभलपमेन्ट बैंकको मूल्य १० प्रतिशत घट्यो । सामुदायिक लघुवित्त र कर्पोरेट डेभलपमेन्ट बैंकको मूल्यमा नकारात्मक सर्किट लागको छ । नेपाल रि इन्स्योरेन्सका लगानीकर्ताले ३३ करोड कारोबार गरे ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपमंगलबार १४ अंकले ओरालो लागेर २७१५ मा खुम्चियो नेप्से परिसूचक, ३ अर्बले घट्यो कारोबार
माघ २२, २०८१ मंगलबार
तरबारले केक काट्दा सात गुन्डा पुगे प्रहरी खोरमा
माघ २४, २०८१ बिहिबार
निकुञ्ज सुरक्षाकर्मीकै गोली लागेर चितवनमा मकुना हात्तीको मृत्यु
माघ २४, २०८१ बिहिबार
कार्यान्वयन प्रक्रियामा नगएका आयोजना स्थगित गरिने
माघ २४, २०८१ बिहिबार
राष्ट्रसंघीय मानवअधिकार परिषदबाट इजरायल अलग
माघ २४, २०८१ बिहिबार
आहा ! रारा पोखरा गोल्डकप : चर्च व्वाइज क्वाटरफाइनलमा
माघ २४, २०८१ बिहिबार
बुढासुब्बा गोल्डकप: एनआरटी फाइनलमा
माघ २४, २०८१ बिहिबार
बागमती प्रदेशसभा : अत्यावश्यक योजना समयमै निर्माण गर्न माग
माघ २४, २०८१ बिहिबार
'मकुना' हात्तीको मृत्यु प्रकरणमा सरकारले बनायो छानबिन समिति
माघ २४, २०८१ बिहिबार