बिहीबार संघीय संसदबाट अध्यादेश पास गराउने कार्यसूची, बिफल बनाउने रणनीतिमा विपक्षी दल

नेपालबहस संवाददाता
माघ २३, २०८१ बुधबार १७:२३:२२

२२ माघ, काठमाडौं । सरकार भोलि बिहीबार बस्ने प्रतिनिधि सभा र राष्ट्रिय सभाको बैठकबाट अध्यादेश पारित गराउने पक्षमा छ । मुख्य कार्यसूची नै अध्यादेश स्वीकृत गर्ने छ । दुवै सभाबाट अध्यादेश स्वीकृत गराएर प्रतिस्थापन विधेयक ल्याउने सरकारको तयारी हो । प्रतिनिधि सभामा नसके पनि राष्ट्रिय सभामा अध्यादेश स्वीकृत गराउन नदिने कसरतमा छन् विपक्षी दलहरू ।
उपेन्द्र यादवले नेतृत्व गरेको जनता समाजवादी नेपाल विपक्षीको कित्तामा लागे सरकारको योजना असफल हुन्छ । यादवलाई सत्ता पक्षतिर जानबाट रोक्नु अहिले विपक्षी दलका लागि मुख्य कुरा हो । यादवले अहिलेसम्म दुबै पक्षलाई एस वा नो भनेर जवाफ दिएका छैनन् । सरकारले ल्याएको ६ वटा अध्यादेश बिहीबार संसद्मा टेबुल हुँदैछ । संवैधानिक प्रावधानअनुसार यी अध्यादेश प्रतिनिधिसभा र राष्ट्रिय सभाबाट पारित गराउनुपर्छ । राष्ट्रिय सभामा सरकारसँग बहुमत छैन ।
५९ सदस्यीय राष्ट्रिय सभामा सबै सांसद उपस्थित भएको खण्डमा अध्यादेश स्वीकृतिका लागि ३० जना सांसद आवश्यक पर्छ । सरकारमा रहेका दलहरूसँग कांग्रेस (१६), नेकपा एमाले (१०) र लोकतान्त्रिक समाजवादी पार्टी (१) गरेर २७ जना सांसद छन् । मनोनीत सांसद डा. अन्जान शाक्य नेकपा एमाले समर्थित हुन् । उनलाई जोड्दा सत्तापक्षको सांसद संख्या २८ पुग्छ । अर्का मनोनित सांसद बामदेव गौतमले पनि अध्यादेश स्वीकृतिका लागि मत दिने सत्तारुढ दलहरूको विश्वास छ ।
तर, उपेन्द्र यादव बोलेका छैनन् । यसैलाई आधार बनाए र विपक्षी दलहरू अध्यादेश फेल गराउने कसरत गरिरहेका छन् । नेकपा माओवादी र एकीकृत समाजवादीले अध्यादेश अस्वीकृत गराउने प्रस्ताव लाने छन् । अध्यादेश पारित गर्ने कि नगर्ने भन्ने सन्दर्भमा जसपा नेपाल निर्णायक देखिएको छ । राष्ट्रिय सभामा ३ सीट भएको जसपा नेपालले सत्तापक्षलाई समर्थन जनाएको खण्डमा मात्रै अध्यादेश स्वीकृत हुन्छ । जसमा सत्ता वार्गेनिङको सम्भावना प्रवल बनेको छ । सत्ता पक्षलाई साथ नदिए मधेश प्रदेशमा उपेन्द्र अप्ठ्यारोमा पर्नसक्छन् ।
यस्तै बिहीबार राष्ट्रिय सभाको बैठकमा अनिवार्य उपस्थितिका लागि राजनीतिक दलहरूले आफ्ना सांसदलाई निर्देश गरेका छन् । राष्ट्रिय सभामा सत्तापक्ष र प्रतिपक्ष दुवैतिर उस्तै संख्या छ । यस्तो अवस्थामा अध्यादेशहरू निर्णयार्थ पेस गर्न लागिएकाले दलहरूले आ–आफ्ना दलका सांसदलाई सभाको बैठकमा अनिवार्य उपस्थिति हुन निर्देश गरेका हुन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपवनमन्त्री शाहीसँग राष्ट्रसंघका आवासीय संयोजक हाम्दीको शिष्टाचार भेट
माघ २४, २०८१ बिहिबार
वित्त आयोगको वार्षिक प्रतिवेदन पेस
माघ २४, २०८१ बिहिबार
आयव्ययको अनुमान घटाइयो, सुरु विनियोजनको ९१ प्रतिशत खर्च हुने अनुमान
माघ २४, २०८१ बिहिबार
तरबारले केक काट्दा सात गुन्डा पुगे प्रहरी खोरमा
माघ २४, २०८१ बिहिबार
निकुञ्ज सुरक्षाकर्मीकै गोली लागेर चितवनमा मकुना हात्तीको मृत्यु
माघ २४, २०८१ बिहिबार
कार्यान्वयन प्रक्रियामा नगएका आयोजना स्थगित गरिने
माघ २४, २०८१ बिहिबार
राष्ट्रसंघीय मानवअधिकार परिषदबाट इजरायल अलग
माघ २४, २०८१ बिहिबार
आहा ! रारा पोखरा गोल्डकप : चर्च व्वाइज क्वाटरफाइनलमा
माघ २४, २०८१ बिहिबार
बुढासुब्बा गोल्डकप: एनआरटी फाइनलमा
माघ २४, २०८१ बिहिबार
बागमती प्रदेशसभा : अत्यावश्यक योजना समयमै निर्माण गर्न माग
माघ २४, २०८१ बिहिबार
'मकुना' हात्तीको मृत्यु प्रकरणमा सरकारले बनायो छानबिन समिति
माघ २४, २०८१ बिहिबार