अर्थमन्त्री डा खतिवडाद्धारा बजेट टेबुल

काठमाडौं । अर्थमन्त्री डा. युवराज खतिवडाले आर्थिक वर्ष २०७६/०७७ को राजश्व र व्ययको वार्षिक अनुमानको प्रति टेबुल गरेका छन् ।

प्रतिनिधिसभाको बुधबार साझ बसेको वैठकमा अर्थमन्त्री डा खतिवडाले राजश्व र व्ययको वार्षिक बजेटको प्रति टेबुल गरेको छन् ।
सरकारद्वारा आज प्रस्तुत उक्त आयव्ययमाथि प्रतिनिधिसभा यही जेठ १९, २० र २१ गतेको बैठकमा छलफलका लागि दिन तोकिएको सभामुख कृष्णबहादुर महराले बैठकमा जानकारी दिए ।

यसअघि सङ्घीय संसद् ‘प्रतिनिधिसभा र राष्ट्रियसभा’को संयुक्त बैठकमा अर्थमन्त्री खतिवडाले आव २०७६÷०७७ को राजश्व र व्ययको वार्षिक अनुमान ‘बजेट’ प्रस्तुत गरेको हुन् ।

प्रतिनिधिसभाको आजैको बैठकमा डा अर्थमन्त्री खतिवडाले आर्थिक विधेयक २०७६ पेश गरे । प्रतिनिधिसभाको अर्को बैठक यही जेठ १९ गते आइतबार ११ बजे बस्नेछ ।