जनता बैंकका ग्राहकलाई अस्पतालमा छुट

काठमाडौं । जनता बैंक नेपाल लिमिटेड र हाम्रो अस्पताल प्रा.लि. बिराटनगरबिच स्वास्थ्य उपचार सेवामा छुट सम्बन्धि संझौता भएको छ ।

संझौता पत्रमा हाम्रो अस्पतालका सचालक डा. संकर प्रसाद अधिकारी र बैंकको तीन पैनी शाखाका शाखा प्रमुख प्रशान्त शर्माले हस्ताक्षर गरेका छन् ।

संझौता अनुसार जनता बैंकका ग्राहक तथा कर्मचारी र तिनका आश्रितहरुले उक्त अस्पतालहरुबाट बिशेष छुट प्राप्त गर्न सक्नेछन् ।

उक्त छुट सुविधा अस्पतालबाट प्रदान गरिने सम्पूर्ण ओ.पि.डि. सेवा, ल्याव, भर्ना भई गरिने उपचार सेवा तथा अप्रेशनमा प्रदान गरिने छ । यस छुट सुविधा अस्पतालको विल भुक्तानीको क्रममा ग्राहकले बैंकको एटिएम कार्ड अथवा ग्राहक खुल्ने कुनै कागजात पेश गरी लिन सक्नेछन् ।