काठमाडौंमा आजदेखि स्मार्ट पार्किङ शुरु
इन्द्र रिजाल
जेठ १६, २०७६ शुक्रबार ०:२६:२०
काठमाडौं । सवारी साधन पार्किङलाई व्यवस्थित बनाउनका लागि काठमाडौं महानगरपालिकाले आजबाट स्मार्ट पार्किङ सञ्चालनमा ल्याएको छ ।
स्मार्ट पार्किङ वैशाखको सुरुवातसँगै सञ्चालनमा ल्याउने भनिएको थियो यद्यपी विभिन्न प्राविधिक कारणले समयमै सञ्चालनमा ल्याउन नसकेको महानगरपालिकाले जनाएको छ ।
सवारी साधनको अत्याधिक चापका कारण ट्राफिक जाम हुनुका साथै शहर अस्तव्यस्त भएपछि त्यसलाई व्यवस्थापन गर्न महानगरले स्मार्ट पार्किङ योजना अघि सारेको थियो ।
सो योजना आजबाट कार्यन्वयनतिर लागेको छ । काठमाडौंको नयाँ रोड आसपासका ५ स्थानमा स्मार्ट पार्किङ शुरु भएको छ । महानगरपालिले ‘ब्हिल्स ट्रली योर्स प्रा।ली’ र ‘एड गुरु’ सँगको सहकार्यमा यो सेवा सञ्चालनमा ल्याएको हो ।
५ स्थानमा स्मार्ट पार्किङ सञ्चालनमा ल्याउनका लागि १ करोड लागत लागेको प्रालीका सूचनाअधिकारी प्रविधि इन्जिनियर हरिश अग्रवालले जानकारी दिए ।
‘स्मार्ट पार्किङ भनेको अटोमेटिक पार्किङ हो’ उनले भने । त्यस्तो पार्किङ हालसम्म कुनै पनि स्थानमा नभएकाले पनि सवारी प्रयोगकर्ताका लागि व्यवस्थित हुने कुरामा अग्रवाल विश्वस्त छन् ।
कुन—कुन स्थानमा स्मार्ट पार्किङ ?
तत्कालका लागि ५ स्थानमा स्मार्ट पार्किङ राखिने अग्रवालले बताए । ‘विशालबजार, इन्द्रचोक, पाको, प्युखा र खिचापोखरीमा स्मार्ट पार्किङ राखिनेछ, ‘दरवारमार्गमा भने एक हप्ता लाग्नेछ’ उनले भने ।
कसरी प्रयोग गर्ने ?
स्मार्ट पार्किङमा दुइ पांग्रे तथा चार पांग्रे सवारी साधनले पार्किङ गर्न पाउने छन् । कम्पनीले एप्स्मार्फत स्मार्ट पार्किङ गर्ने सुविधा समेत ल्याएको छ ।
‘प्रयोगकर्ताले मोवाइलमार्फत ‘ktm park’ एप्लिकेशन डाउनलोड गरी घरमै बसेर पार्किङ बुकिङ गर्न सक्नेछन्’ अग्रवालले भने ।
उनका अनुसार पार्किङ गर्न चाहने व्यक्तिले एप्लिकेशन मार्फत घरमै बसेर पार्किङका बारेमा सुचना लिन सक्नेछ भने १५ मिनेट अगाडी नै पार्किङ बुकिङ गर्न पाउनेछ ।
तत्कालका लागि एउटा मात्र एप्लिकेशनको सुविधा भएको बताउँदै अग्रवाल भन्छन्,‘केही समयपश्चात ई—सेवा, भिसा कार्ड लगायत सिस्टमबाट पनि पार्किङको रकम तिर्न र बुकिङ गर्न सकिने छ’ । अहिले पेमेन्टका लागि ‘पोस’ नामक मेसिन राखिएको छ ।
शुरुवातमा यी स्थानमा पार्किङ राखिएपनि विस्तारै अन्य स्थानमा पनि सञ्चालनमा ल्याउने अग्रवालको भनाइ छ । यी स्मार्ट पार्किङ राखिने स्थानहरुमा एक पटकमा ८ सय वटा मोटरसाइलरस्कुटर र ४० वटा सवारी साधन पार्किङ गर्न सकिनेछ ।
कस्तो हुन्छ स्मार्ट पार्किङ ?
नेपालमा पहिलो पटक सञ्चालनमा आएको स्मार्ट पार्किङ अन्य पार्किङ तुलनामा फरक छ । सेन्सरमा आधारित स्मार्ट पार्किङ सञ्चालन गरिने भनिएपनि विभिन्न कारण छोटो समयमा कम्पनीले सो पार्किङ गर्न नसकेको अग्रवालले बताए । ‘तत्कालका लागि पुरानै पार्किङ क्षेत्रमा नयाँ ढंगले अगाडी बढ्का हौँ, केही महिनामापछि सेन्सरमा आधारित पार्किङ सुविधा ल्याउने छौँ’ उनले भने ।
‘सेन्सरमा आधारित पार्किङका लागि महानगरसँग सहकार्य भएको र जग्गाको व्यवस्था भइसकेको छ’ खबरहबसँगको कुराकानीमा उनले भने ।
रिजर्भ गरेको समय, पार्किङ गरिएको स्थान र समय, पार्किङ शुल्कजस्ता विवरण क्युआर कोर्डबाट पनि हेर्न सकिन्छ । त्यस ठाउँको व्यवस्थापनका लागि गोप्रो क्यामरा सहित ६० जना पार्किङ सहयोगी खटिएका छन् । यस प्रणालीमा सवारी प्रवेश गरेको र निस्किएको रेकर्ड हुन्छ ।
शुल्क कति ?
यी क्षेत्रमा पार्किङ गर्दा दुइ पाङग्रे सवारीका लागि प्रति घण्टा करबाहेक २० रुपैयाँ लाग्नेछ । त्यस्तै चार पाङग्रे सवारीका लागि प्रति घण्टा ६० रुपैयाँ लाग्नेछ ।
इन्द्र रिजाल
इन्द्र रिजाल नेपालबहस डटकमका प्रधान सम्पादक हुन् । अर्थ राजनीतिक धारमा कलम चलाउने वरिष्ठ पत्रकार रिजालले आर्थिक, राजनीतिक तथा सामाजिक परिवेशका विषयवस्तुको यर्थाथमुखी चित्रण गर्छन् ।
लेखकबाट थपसरकारले धितोपत्र बोर्डको संस्थागत शुद्धीकरण गर्ने
जेठ १५, २०८१ मंगलबार
आगामी आर्थिक वर्षबाट जग्गा रोक्का तथा फुकुवा अनलाइन प्रणालीबाट हुने
जेठ १५, २०८१ मंगलबार
बजेटको आकारअनुसार शिक्षामा बढेन लगानी
जेठ १५, २०८१ मंगलबार
सीमा सुरक्षा प्रहरी चौकी
नेपालबहस संवाददाता
जेठ १४, २०८१ सोमबार
के हो गृहमन्त्री लामिछानेको महिनावारी फण्डा ?
नेपालबहस संवाददाता
जेठ १५, २०८१ मंगलबार
लण्डनमा नेपाली दाजुभाइको 'स्क्वीज्ड' नामको नयाँ रेष्टुरेन्ट संचालनमा
जेठ १५, २०८१ मंगलबार
इजरायलको राफाह आक्रमणपछि राष्ट्रसंघीय सुरक्षा परिषद्को आपतकालीन बैठक बोलाइयो
जेठ १५, २०८१ मंगलबार
तपाईको आजको राशीफल कस्तो छ ?
जेठ १६, २०८१ बुधबार
सयौं वर्ष पुरानो ‘लिङ्गो जुधाउने’ अनौठो संस्कृतिको निरन्तरता
जेठ १६, २०८१ बुधबार
हेलमेट डाँडालाई पर्यटकीय गन्तव्यस्थलका रुपमा विकास गर्ने
जेठ १६, २०८१ बुधबार
सोलार प्यानल र आसपासको बस्ती
जेठ १६, २०८१ बुधबार
बिरुवामा नेपाली सेनाको दुईदिने निःशुल्क स्वास्थ्य शिविर
जेठ १६, २०८१ बुधबार
तनहुँको खैरेनीटार जोड्ने सडकको स्तरोन्नती गर्दै निर्माण सुरु
जेठ १६, २०८१ बुधबार
केजरीवालले अन्तरिम जमानत लम्ब्याउन गरेको निवेदन सर्वोच्चद्वारा अस्वीकार
जेठ १६, २०८१ बुधबार