टीकापुर खानेपानी : सचिवमा कांग्रेसका नरेशकुमार खत्री विजयी

टीकापुर । टीकापुर साना शहरी खानेपानी तथा सरसफाई संस्थामा सचिव बाहेक सबै पदमा नेकपा नेतृत्वको प्यानल विजयी भएको छ।

सचिवमा कांग्रेसका नरेशकुमार खत्री मात्रै एक्लो उम्मेदवार विजयी भएका छन्। उनले नेकपाका सुरतबहादुर कुँवरलाई ७१ मतले पछि पारेका हुन्। खत्रीले ३५९ र कुँवरले २८८ मत पाएका छन्।

अध्यक्षमा नेकपाका भैरवसिँह रावलले कांग्रेसका नवराज रावललाई २१ मतले पछि पार्दै विजयी भए। भैरवले ३३५ र नवराजले ३१४ मत प्राप्त गरेका छन्।

वर्तमान कार्य समितिमा नवराज अध्यक्ष र भैरवसिँह सचिव थिए। त्यस्तै उपाध्यक्षमा गोपीराम जैशीले ३२४ मत र कोषाध्यक्षमा विश्राम थारुले २८६ मत प्राप्त विजय भएका छन्।

पाँच जना सदस्यमा सरिता रावल थापा ९३०५०, बलबहादुर कामी ९२९, किर्तिबहादुर रोकाया ९२९१, सृजना शर्मा पण्डित ९२०० र कृष्णीदेवी चौधरी ९२७३० मत प्राप्त गरी विजयी भएका छन्।

संस्थाको नेतृत्वका लागि तीन वटा प्यानल चुनावी मैदानमा उत्रिएका थिए। आगामी तीनवर्षे कार्यकालका लागि जेठ १६ गते भएको निर्वाचनमा ७८४ मतदाताले निर्वाचनमा भाग लिएका थिए।