आगामी सोमबारदेखि ट्रम्प बेलायतको राजकीय भ्रमणमा, सुरक्षाका लागि २ अर्ब !

एजेन्सी । अमेरिकी राष्ट्रपति डोनाल्ड ट्रम्पले आगामी सोमबारदेखि बेलायतको राजकीय भ्रमणका गर्ने भएका छन् ।

भ्रमणका बेला करिब २ अर्ब ३९ करोड ४१ लाख ३ हजार ८ सय ४ नेपाली रुपैयाँ बराबर सुरक्षाका लागि खर्च हुने स्रोतले बताएको छ ।

ट्रम्प बेलायतकी महारानी एलिजाबेथ द्वितीयाको निमन्त्रणामा बेलायत भ्रमणमा जान लागेको अन्तराष्ट्रिय समाचार एजेन्सीहरुले उल्लेख गरेका छन् ।

विविसीमा उल्लेख समाचार अनुसार ह्वाइट हाउसको एड्भान्स टिम बेलायतमा पुगिसकेको छ । सुरक्षा अपरेसन कस्तो हुन्छ र कस्तो खालको हार्डवेयर र स्टाफ त्यहाँ लग्ने भन्ने बारेमा त्यो टोलीले अध्ययन गर्ने जनाइएको छ ।

राष्ट्रपति ट्रम्प आफ्नो एयरफोर्स वान बिमान चढेर उत्तरी लण्डनको स्टान्स्टेड बिमास्थलमा अवतरण हुनेछन् । उनको बिमानमा शत्रुको राडारलाई जाम गर्ने व्यवस्था गरिएको छ ।