सरकार आफैंले मिडियालाई नियन्त्रण गर्न खोज्नु गलत हो : कांग्रेस प्रवक्ता शर्मा

पाल्पा । नेपाली कांग्रेसका प्रवक्ता विश्वप्रकाश शर्माले सरकारले ल्याएको मिडिया काउन्सिल विधेयकको खण्डन गरेका छन् ।

सोमबार पाल्पामा आयोजित पत्रकार सम्मेलनमा बोल्दै लोकतान्त्रिक मुलुकमा पनि प्रेस काउन्सिल आफैले आचारसंहिता बनाउन सक्ने भन्दै सरकार आफैले मिडियालाई नियन्त्रण गर्न खोज्नु राम्रो नभएको बताए ।

मिडियाले पुर्याएको योगदानलाई स्वतन्त्र र निर्भिकताका साथ लेख्नका लागि हो, उनले भने पत्रकारको जीवन असुरक्षित बनाएर अघि बढ्न सकिदैन । मानवअधिकार आयोग, त्रिविको स्वायत्ततालाई नियन्त्रण गर्न खोज्नु राम्रो होइन उनले भने, कुनैपनि हालतमा नेपाललाई उत्तरकोरिया बनाउन दिदैँनौं ।

नेपाली कांग्रेसले शान्ति र संविधानलाई प्राथमिकता दिएकाले अहिले शान्ति र स्थिरता कायम भएको भन्दै यो भन्दा ठूलो सहयोग प्रतिपक्षबाट केही हुन नसक्ने उनको धारणा रहेको थियो ।

नेकपाको संसदमा दुई तिहाई भए पनि सरकारले संसदीय प्रकृया मिचेको छ । हामी संसदमा कमजोर भए पनि जिम्मेवार ढंगबाट प्रतिपक्षको भूमिका खेलेको छौँ, उनले भने। नेत्रविक्रम चन्द नेतृत्वका विप्लव समूहको विषयमा बोल्दै उनले भने, नेतृत्वको प्रचण्डलाई मार्नुपर्छ भनेको हो भने गलत हो । हत्या, हिंसा चन्दा, छाडेर शान्ति प्रक्रियामा आउनुपर्छ ।