नेकपा सचिवालय बैठक जारी, केन्द्रीय विभागका विषयमा छलफल हुँदै

काठमाडौं । नेपाल कम्युनिस्ट पार्टी ‘नेकपा’का जिल्ला कमिटीका इन्चार्ज र सह–इन्चार्जको नाम टुंगो लगाउन सचिवालय बैठक बसिरहेको छ ।

प्रधानमन्त्री निवास बालुवाटारमा जारी बैठकले ७७ जिल्लाका इञ्चार्ज र सहइञ्चार्जको नामलाई अन्तिम रुप दिने बताइएको छ ।

नेकपाका अध्यक्षद्वय केपी शर्मा ओली र पुष्पकमल दाहालबीच जिल्ला कमिटी इन्चार्ज र सह–इन्चार्जका बारेमा सहमति भएपछि सचिवालय बैठक बोलाइएको हो ।

जिल्ला कमिटीका इञ्चार्ज र सह–इञ्चार्जको नाममा अध्यक्षबीच मोटामोटी सहमति भए पनि केन्द्रीय विभागका विषयमा भने छलफल बाँकी रहेको स्रोतले जनाएको छ ।

पछिल्लो समयमा विभाग र जिल्ला इन्चार्जहरुको टुंगो लगाउनका लागि बोलाइएको सचिवालय बैठक दुईपटक सरिसकेको थियो ।