ओली सरकारको हरेक क्रियाकपालप्रति जनता खुसी छैनन : रामचन्द्र पौडेल

काठमाडौं । नेपाली कांग्रेसका बरिष्ठ नेता रामचन्द्र पौडेलले वर्तमान सरकारको कार्यशैलीमाथि जनताले प्रश्न उठाईरहेको बताएका छन् ।

सर्लाही काठमाडौ सम्पर्क समितिले मंगलबार काठमाडौंमा आयोजना गरेको कार्यक्रममा उनले सरकारको हरेक क्रियाकपालप्रति जनता खुसी नरहेको भन्दै जनताले यसबारे प्रश्न उठाईरहेको बताएका हुन् ।

उनले सरकारले स्वतन्त्र न्यायपालीकालदेखि प्रेस जगतसमेतलाई नियन्त्रणमा लिन खोजेको आरोप लगाए । उनले सरकारप्रति जनताको निराशा बढ्दै गएको अवस्थामा काग्रेस शसक्त भएर अघि बढ्नुपर्ने धारणा राखे ।

जनताको बिकल्प खोज्ने भावनालाई पार्टीले सदुपयोग गर्नुपर्ने उनको भनाई छ । कार्यक्रममा अन्य नेताहरुले अहिलेको परिस्थीतिमा काग्रेस एक भएर अघि बढ्नुपर्ने धारणा राखे ।