जुवातास खेलिरहेको अवस्थामा ३२ जना पक्राउ

काठमाडौं ।  काठमाडौं महानगरपालिका-१६ बनस्थली बस्ने सिन्धुपाल्चोक लिखु गाउँपालिका-२ घर भएका ३४ वर्षीय बुद्ध कुमार तामाङले संचालन गरेको काभ्रेली खाजा घरमा जुवातास खेलिरहेको अवस्थामा तामाङ समेत गरी ७ जनालाई प्रहरीले पक्राउ गरेको छ ।

उनिहरुलाई नगद ३९ हजार १ सय ७५ रुपैयाँ र १ बुक तास सहित महानगरीय प्रहरी वृत्त बालाजुबाट खटीएको प्रहरी टोलीले उनीहरुलाई पक्राउ गरेको हो ।  तेह्रथुम, म्याङलुङ नगरपालिका-३ नागदहस्थित गंगाराम श्रेष्ठ र सोही नगरपालिका-६ जिरिखिम्ती बस्ने भिम प्रसाद लिम्बुको घरमा जुवातास खेलिरहेको अवस्थामा नगद ९४ हजार १ सय ७५ रुपैयाँ र ९ सय ७४ तासको पत्ति सहित दुवै घर धनी समेत १७ जनालाई शनिबार दिउँसो प्रहरीले पक्राउ गरेको छ । जिल्ला प्रहरी कार्यालयबाट खटिएको प्रहरीले उनीहरुलाई पक्राउ गरेको हो ।

कास्की, पोखरा महानगरपालिका-८ न्युरोडस्थित होटल न्युरोड ईनमा जुवातास खेलिरहेको अवस्थामा पोखरा महानगरपालिका-४ गणेश टोल बस्ने ४६ वर्षीय शरण त्रिपाठी समेत ८ जनालाई नगद ७६ हजार १ सय ६५ रुपैयाँ सहित शनिबार बेलुका प्रहरीले पक्राउ गरेको छ । वडा प्रहरी कार्यालय बैदामबाट खटिएको प्रहरीले उनीहरुलाई पक्राउ गरेको हो । यस सम्बन्धमा स्थानीय प्रहरीले थप आवश्यक अनुसन्धान गरिरहको बताइएकाे छ ।