शेयर बजार घटेको घट्यै,लगानीकर्ताको मनोबल अस्थिर

काठमाडौँ। आइतबार साताको पहिलो दिन शेयर बजार दोहोरो अंकले घटेको छ। कारोबार मापक नेप्से सूचक ११.३६ अंकले घटेर १२५८.२७ अंकमा झरेको छ।

११ समूहको शेयर कारोबारहुँदा कारोबारको पहिलो १५ मिनेट सूचक एक अंकले बढेको भए पनि त्यसपछि बजार कारोबारको अन्त सम्मनै बिस्तारै ओरालो लागेको थियो। कारोबारमा आएका सबै उपसूचक घटेपछि बजार ओरालो लगेको हो।

सबैभन्दाबढी निर्जीवन बीमा समूहको २.०६ प्रतिशतले उपसूचक घटेको छ। यसैगरी लघुबित्त समूहमा २.०१ प्रतिशतको गिरावट देखिएको छ।
आइतबार १७४ कम्पनीका शेयर कारोबार भए। १४ लाख ७३ हजार कित्ता शेयर ४७ करोड २५ लाख रुपैयाँमा किनबेच भयो।

नेपाल बैंकको दुई करोड ९५ लाख रुपैयाँको शेयर कारोबार भयो। शिवम् सिमेन्टको दुई करोड ५५ लाख रुपैयाँको शेयर खरिद बिक्री भयो।
बजेटपछि शेयर बजार लगातार घट्दो क्रममा देखिएको छ। गएका १० कारोबार दिनमा सूचक जम्मा दुई दिन मात्रै बढेको छ।अन्य सबै दिन सूचकमा गिरावट देखिएको छ ।

बजेटपछि लगानीकर्ताको मनोबल अस्थिर देखिएको छ। खरिदको मुडमा देखिएका लगानीकर्ताले बजारमा चर्को बार्गेनिङ गरिरहेको देखिन्छ। सामान्य १/२ रुपैयाँले समेत हजारौँ कित्ता शेयर म्याच हुन सकिरहेको छैन जसका कारण बजारमा कारोबार रकम समेत घट्दो क्रममा देखिएको हो।

आज नेपाल एग्रो लघुबित्तको शेयरधनीले करिब सात प्रतिशत कमाए। महिला सहयात्रा माइक्रोफाइनान्सका शेयरधनीले करिब आठ प्रतिशत गुमाए।