भेनेजुएला सडक दुर्घटनामा १८ जनाको मृत्यु

एजेन्सी । पश्चिम भेनेजुएलामा आइतबार भएको एक बस दुर्घटनामा १८ व्यक्तिको मृत्यु भएको छ ।

   दुर्घटनामा १४ जनाको दुर्घटनास्थलमा नै मृत्यु भएको थियो भने अन्यको उपचारको क्रममा मृत्यु भएको त्यहाँको समाचार एजेन्सीले जनाएको छ । दुर्घटनामा घाइते भएका अन्य २९ जना घाइते भिल्ला डेल रसारियो अस्पतालमा उपचारउपचार भइरहेको छ ।

कोलोम्बियाको सीमा क्षेत्रमा पर्ने जुलिया राज्यको ग्रामीण इलाकामा यो दुर्घटना भएको थियो । सो दुर्घटनाको अनुसन्धान भइरहेको र दुर्तगतिमा सवारी साधन चलाएका कारण नै उक्त दुर्घटना भएको प्रारम्भिक अनुसन्धानले देखाएको छ । यस बसमा ५८ जना यात्रु सवार रहेका प्रत्यक्षदर्शीले स्थानीय पत्रिका पानोरामाले जनाएको छ ।

भेनेजुएलामा सडक मर्मत सम्भारमा कमी, जीर्ण सवारी सधान, चालकको लापर्वाही जस्ता कारणले बारम्बार सडक दुर्घटना हुने गरेको पाइएको छ । विश्व स्वास्थ्य संगठनले जारी गरेको एक प्रतिवेदनका अनुसार भेनेजुएलामा सन् २०१६ मा १० हजार ६ सय व्यक्तिको सडक दुर्घटनामा परी मृत्यु भएको थियो ।