नेप्सेको अनलाइन प्रयोगकर्ता ९ हजार

काठमाडौँ। नेपाल स्टक एक्सचेन्जको अनलाइनबाट शेयर खरिद बिक्री गर्ने लगानीकर्ताको संख्या ८ हजार ९९८ जना पुगेको छ।

दोस्रो बजार बढ्न थालेसँगै ब्रोकर कार्यालयनमा अनलाइन प्रणाली लिनको लागि नयाँ तथा पुराना लगानीकर्ताको भिड लाग्ने गरेको छ। अनलाइन सुरु भएको केहि समय युजरनेम र पासवर्ड दिनै नमानेका ब्रोकरले पछिल्लो समय अनलाइनको लागि आवेदन दिने जतिलाई युजरनेम र पासवर्ड प्रदान गरिरहेका छन्।

लगानीकर्ताहरु विस्तारै अनलाइन प्रणालीप्रति अभ्यस्त हुँन थालेसँगै प्रयोगकर्ता बढ्न थालेका हुन्। केहि समय ब्रोकरहरुले नेप्सेलाई दोस देखाउँदै लगानीकर्ताहरुलाई प्रणाली दिन मानेका थिएनन्। नेप्सेले अनलाइन प्रणली दिने जिम्मा ब्रोकरहरुलाई नै सुम्पिए पछि अनलाइको प्रयोगकर्ता बढेका हुन्।

नेप्सेले शेयर खरिद गर्दाको पैसा नेपाल क्लियरिङ हाउस मार्फत अनलाइन भुक्तानीको प्रणाली निर्माण गरेको छ। केहि समय पछि शेयर बिक्री गर्दा प्राप्त हुने रकम पनि अनलाइन प्रणालीबाटै भुक्तानी हुने व्यस्था मिलाउनेछ।