गुठी विधेयक : माइतीघरमा प्रधानमन्त्री ओलीविरुद्ध चर्को नाराबाजी [हेर्नुस भिडियोसहित]

काठमाडौं । चौतर्फी आलोचनापछि सरकारले फिर्ता लिएको गुठी विधेयकविरुद्ध गुठीयारहरुले प्रदर्शन गरेका छन्। काठमाडौंका विभिन्न ठाउँबाट बुधबार दिउँसो माइतीघरमा हजारौं मानिसहरु जम्मा भएर विशाल प्रर्दशन गर्दै सरकारको विरोध गरेका हुन।

गुठी विद्येयकविरद्ध सरकारले मंगलबार साझ पत्रकार सम्मेलन गर्दै विधेयक फिर्ता लिएको बताएपनि सरकारलाई खबरदारी गर्न भन्दै गुठीयारहरुले काठमाडौंको माइतीघरमा जनप्रदर्शन गरेका हुन् ।

राजधानीको बानेश्वर, बसन्तपुर, कुपण्डोल, पाटनलगायतका क्षेत्रबाट निकालिएको विशाल जुलुसमा हजारौंको संख्यामा मानिसहरु बाजाजागा सहित माइतीघर पुगेका हुन् । प्रदर्शनमा सहभागीले गुठी विधेयक खारेजीको मागसमेत गरेका छन् ।

जुलुसमा सहभागिहरुले सरकार र प्रधानमन्त्री केपी शर्मा ओलीविरुद्ध चर्को नाराबाजी लगाउदै नेवा एकता जिन्दावाद, ओली सरकार मुर्दावाद, सञ्चारमन्त्री राजीनामा दे, सरकार तेरो पाराले दुख पाए साराले लगायतका नारा लगाएका थिए ।

प्रदर्शनमा सहभागी भएका गुठीयारहरुले गुठी विधेयकको नाममा तलमाथि गरिए आफूहरुलाई मान्य नहुने कडा चेतावनी दिएका थिए ।विशाल प्रदर्शनमा सहभागीहरुले बाजा गाजा सहित नारा लगाउदै नाचेर प्रर्दशन गरेका छन ।

हेर्नुस भिडियो :