मल्टीपर्पस फाइनान्सको ८६५ प्रतिशत हकप्रद असार २३ देखि

काठमाडौं। मल्टीपर्पस फाइनान्सले असार २३ गतेदेखि हकप्रद शेयर निष्काशन गर्ने भएको छ। कम्पनीले चुक्ता पूँजीको ८६५ प्रतिशत हकप्रद शेयर निष्काशन गर्ने भएको हो। संस्थाले असार १० गतेसम्म कायम शेयरधनीहरुका लागि एक कित्ता बराबर ८.६५ कित्ताको दरले हकप्रद शेयर निष्काशन गर्ने भएको हो।

संस्थाको हालको चुक्ता पूँजी चार करोड १४ लाख रुपैयाँ छ। हकप्रद शेयर निष्काशनपछि चुक्ता पूँजी ४० करोड रुपैयाँ पुग्नेछ। हकप्रद शेयर निष्काशनसँगै संस्थापक शेयरधनीहरुको ६० प्रतिशत अर्थात २४ करोड रुपैयाँ र सर्वसाधारणको ४० अर्थात १६ करोड रुपैयाँ कायम हुनेछ।

हकप्रद शेयरको लागि सिभिल क्यापिटल सुन्धारा, मल्टीपर्पस फाइनान्सको केन्द्रिय कार्यालय सप्तरी, सिभिल बैंकको शाखा कार्यालयहरु विराटनगर, बीरगंज, नारायणघाट, बुटवल, पोखरा, नेपालगंज, धनगढी, विरेन्द्रनगर र आस्वा सुविधा प्रदान गर्ने सम्पुर्ण बैंक तथा वित्तीय संस्थाहरुबाट पाइनेछ।