सांसद योगेश भन्छन्र, कांग्रेसले सभामुखको आदेश मान्‍नुपर्दैन ?

काठमाडौं । सत्तारुढ दल नेपाल कम्युनिष्ट पार्टीका सांसद योगेशकुमार भट्टराईले प्रमुख प्रतिपक्षी दल नेपाली कांग्रेसले सभामुखको आदेश मान्नुपर्दैन भनेर प्रश्न गरेका छन् ।

उनले प्रधानमन्त्री केपी शर्मा ओलीले देशमा उठेका, समाजको परिस्थितीको विषयमा बोल्छु भन्दा बोल्न नदिनु यो कस्तो संसदीय अभ्यास हो भनेर प्रश्न उठाएका हुन् ।

कांग्रेसका सभापति शेरबहादुर देउवामाथि कटाक्ष गर्दै नेता भट्टराईले अनतराष्ट्रिय संसद र राजनीतिको बारेमा बुझेर आएको मान्छेले पनि त्यस्तो चरित्र देखाउने भन्दै उनले असंसदीय चरित्र देखाएको आरोप लगाए ।

कांग्रेसका सभापति बेलायतको विश्वविद्यालयमा पढेको सुनेको थिएँ। तर शेरबहादुर देउवाजीले बेलायती विश्‍विद्यालयमा पढेर पनि संसदमा जान चाहिँ भुलेछन्, संसदीय मर्यादा र नियम सिकेनछन्, उनले भने ।