मालुङ्गा हत्या प्रकरण : महिलामाथि शिक्षककाे हातपात, स्थानीय प्रशासन र प्रहरी किन माैन ?
इन्द्र रिजाल
असार १३, २०७६ शनिबार ०:५६:३४
स्याङ्गजा । गल्याङ्ग नगरपालिका वडा नं १ का महिलाहरु यतिबेला न्याय चाहियो भन्दै कहिले प्रहरी कार्यालय धाएका छन् त कहिले ठाँउ ठाँउमा विरोधका कार्यक्रम गर्दै न्यायका लागि लडिरहेका छन् । उनीहरु यसरी प्रस्तुत हुनुको मुख्य कारण हो, गत जेठ १३ गते गल्याङ्ग नगरपालिका वडा नं १ को मालुङ्गा भेडावारीमा भएको सीता बस्यालको रहस्यमयी मृत्यु ।
शुक्रवार पनि मालुङ्गाको अर्बाैदीमा पिडित पक्षले न्यायका लागि भन्दै एक सभा ग¥यो । सभामा उपस्थित थिए वडाका सम्पुर्ण जनप्रतिनिधि र घटनासँग सम्बन्धित अनि सरोकारवाला आम जनमानस । भेलामा एउटै कुरा सुनिन्थ्यो, वडा नं १ का वडाध्यक्ष गणेशप्रसाद बस्यालबाट न्यायका लागि असहयोग भयो। यत्तिकैमा स्थानीय शिक्षक दया बस्यालले मृतक सीता बस्यालका श्रीमान् सोमनाथ बस्यालमाथि हातपात प्रयास गरेको र महिलाहरुले निजलाई कारवाही गर्नुपर्ने भन्दा निज शिक्षकले महिलाहरुमाथि समेत हातपातको प्रयास गरेको बताएका छन् ।
सोही क्रममा लोक बस्याल भन्ने एक स्थानियले विवाद सिर्जना गरेपछि महिलाहरुले उनलाई ‘के गर्छस’ भनेर कराएपछि भिडबाट भागेको र तुरुन्तै भेलामा विवाद गरेर वडाध्यक्ष बाहिरिएको एक महिलाले बताइन् । तर यता वडाध्यक्ष बस्यालले भने ‘न्याएका लागि म कटिबद्ध छु तर आफु लगाएत वडा सदस्यहरु समेतको अपमान गरेको हुदा म यो सभामा बस्न सकिन’ भन्दै बाहिरिएको बताएका छन् ।
सीता बस्याल गत जेठ १३ गते विहान आफ्नै घरको कोठामा झुण्डिएर मृत अवस्थामा फेला परेकी थिइन् । घटना मृत्यु नभई हत्या भएको भनी सोहि स्थानमा घर भै बस्ने केसरी बस्याल विरुद्ध हत्यामा संलग्न रहेको आशंकामा मृतकका आफन्तले मुद्धा दायर गरेका छन् भने निज केशरी बस्याल वडा प्रहरी कार्यालय वालिङ्गको नियन्त्रणमा रहेकी छन् ।
मृतक सीता बस्यालका श्रीमान सोमनाथ बस्याल भन्छन्, ‘‘मेरो श्रीमतीको लास मलाई नै खबर नगरी जलाइयो, घटना सुनियोजित रुपमा गरिएको आत्माहत्या नभई हत्या हो । प्रशासन र प्रहरीले न्याएका निमित्त ढिलासुस्ती गरेको छ । म न्यायका निम्ती कहाँ जाउ ? यति भन्दै उनी भावविह्वल भए ।
भेलामा उपस्थित अधिकांशले यो घटना सुनियोजित हत्या भएको र प्रशासनले अनुसन्धान भइरहेको मात्र भन्ने गरेको साथै अनुसन्धानमा ढिलाई समेत गरेको बताएका छन् । यता अनुसन्धानको प्रकृया चलिरहेको र अनुसन्धान भइरहेको एवम् किटानी जाहेरीका आधारमा केशरी बस्याललाई वडा प्रहरी कार्यालय वालिङ्गमा नियन्त्रणमा राखी अनुसन्धान भइरहेको जिल्ला प्रहरी कार्यालय स्याङ्गजाका प्रवक्ता नविन कृष्ण भण्डारीले नेपाल बहसलाई बताए । मृतक सिता बस्यालका एक श्रीमान् दुई छोरा र एक छोरी रहेका छन् । केशरी बस्याल नेकपाका वडा सचिव ऋषी बस्यालको श्रीमती हुन् ।
इन्द्र रिजाल
इन्द्र रिजाल नेपालबहस डटकमका प्रधान सम्पादक हुन् । अर्थ राजनीतिक धारमा कलम चलाउने वरिष्ठ पत्रकार रिजालले आर्थिक, राजनीतिक तथा सामाजिक परिवेशका विषयवस्तुको यर्थाथमुखी चित्रण गर्छन् ।
लेखकबाट थपराजनीतिमा पूर्वराष्ट्रपति भण्डारीको सम्भावना कति ?
बैशाख १९, २०८१ बुधबार
सर्वोच्चको आदेशपछि बहुमतमा कन्फ्युज हुन थाले राजनीतिक दल, ५० हो कि ५१ ?
बैशाख १९, २०८१ बुधबार
लगानी सम्मेलन कि विदेशीले नपत्याएको भेला ?
बैशाख १८, २०८१ मंगलबार
आईजीकै सचिवालयमा एसएसपी कार्कीको चुरीफुरी !
नेपालबहस संवाददाता
बैशाख १९, २०८१ बुधबार
बिहानै कतार एयरको विमानसँग सिम्रिक हेलिकप्टर ठोक्किन आइपुगेपछि.....
नेपालबहस संवाददाता
बैशाख १८, २०८१ मंगलबार
नबिल बैंकको वीरगञ्ज शाखाबाट १ करोड ३४ लाख नोट चोरी, चोर खोज्दै प्रहरी
नेपालबहस संवाददाता
बैशाख १८, २०८१ मंगलबार
नबिल बैंकबाट चोरिएको रकमसहित भारतको मोतीहारीबाट ३ जना पक्राउ
बैशाख २०, २०८१ बिहिबार
भाजपाले दिल्लीमा जनमत पार्टीलाई स्वागत गर्दा जसपा र लोसपालाई किन बोलाइएन ?
बैशाख २०, २०८१ बिहिबार
वेस्ट इन्डिज ए सँग नेपालको लगातार तेस्रो हार
बैशाख २०, २०८१ बिहिबार
सर्लाहीमा आगलागीः एउटै गाउँको ६५ भन्दा बढी घर जले
बैशाख २०, २०८१ बिहिबार
सरकारले ब्यान्डविथको भुक्तानी नतिरेका कारण भारतबाटै इन्टरनेट सेवा प्रभावित
बैशाख २०, २०८१ बिहिबार
खराब कर्जाले बैंकिङ क्षेत्र प्रभावित हुँदा सिटिजन्स बैंक भने खराब कर्जा घटाउन सफल
बैशाख २०, २०८१ बिहिबार
रौतहटको माधवनारायणमा आगलागी हुँदा ५ घर जलेर नष्ट, ७ लाख बढीको क्षती
बैशाख २०, २०८१ बिहिबार
देशभर इन्टरनेट सेवामा समस्या
बैशाख २०, २०८१ बिहिबार