जनता बैंककाे एकैसाथ ६ शाखाहरुबाट कारोवार सुरु

काठमाडौँ । हिजो–आज जनताको वास्तविक बैंक जनता बैंक भनेर आम नागरिकले भनेको पाइन्छ । जनता बैंकले देशको ग्रामिण तहसम्म बैंकिङ्ग पहुँच पु¥याई सहज र सरल वित्तीय सेवा उपलब्ध गराउने उद्देश्य अनुसार शाखा विस्तारलाई निरन्तरता दिइरहेको छ ।

जनता बैंक नेपाल लिमिटेडले आज एकैसाथ काठमाडौं उपत्यकामा ३ र अन्य स्थानमा ३ गरी एकैसाथ ६ शाखाको उद्घाटन गरी कारोवार शुभारम्भ गरेको छ । काठमाडौं उपत्यकामा काँडाघारी, बनस्थली र थानकोट शाखाबाट कारोवार शुभारम्भ गरेको छ भने काठमाडौं उपत्यका बाहिर बाग्लुङ्गबजार, कपिलबस्तुको तौलिहवा र धनगढीको सेतोपुलमा नयाँ शाखा विस्तार गरेको छ ।

तौलिहवा शाखाको उद्घाटन संघीय सांसद बृजेशकुमार गुप्ताले गरेका थिए । बैंकका प्रमुख कार्यकारी अधिकृत परशुराम कुंबर क्षेत्रीले बैंकको बारेमा बताएका थिए । यसैगरी काठमाडौं उपत्यकामा काँडाघारी वीरेन्द्रचोक शाखाको संचालक लङ्कबहादुर के.सी., बनस्थली खरिबोट शाखाको संचालक गौतमप्रसाद खनालले उद्घाटन गर भने थानकोट शाखाको चन्द्रागरी नगरपालिकाका मेयर घनश्याम गिरी र बैंकका संचालक बिनितकुमार अग्रवालले संयुक्त रुपमा उद्घाटन गरेका थिए ।

सेतोपुल धनगढी शाखाको धनगढी उपमहानगरपालिकाका मेयर नृपबहादुर वड र बैकका चिफ बिजनेस अफिसर कल्याण पाँडेले संयुक्त रुपमा र बाग्लुङ्ग शाखाको बाग्लुङ्ग उद्योग बाणिज्य संघका अध्यक्ष युवराजजङ्ग राज भण्डारीले गरेका थिए ।

नयाँ खोलिएका शाखाहरुबाट ति क्षेत्रका सर्वसाधारण तथा उद्यमी व्यवसायीहरुलाई सबै प्रकारका निक्षेप तथा कर्जा कारोबार सुबिधा लगाएत सम्पूर्ण आधुनिक बैकिङ्ग सेबा सहज र सरल रुपमा उपलब्ध गराउने बैंकले जनाएको छ ।

यो संगै जनता बैंकको शाखा संजाल कुल १४१ पुगेको छ भने काठमाडाैं उपत्यकामा २३ शाखा रहेका छन् । जनता बैंक शाखा संजालको हिसाबले निजी क्षेत्रको बाणिज्य बैंकहरु मध्ये चौथो ठूलो बैंकको रुपमा स्थापित भएको छ भने समग्रमा सातौठूलो बाणिज्य बैंक बन्न सफल भएको छ ।

बैंकले ५० शाखारहित बैंकिङ्ग, १ सीमित बैंकिङ्ग ईकाइ,३ एक्सटेन्सन काउन्टर तथा १०५ एटीएमहरु मार्फत उच्च स्तरीय बैंकिङ्ग सेबा पु¥याउदै आइरहेको छ ।