आईफा अवार्ड रोक ! : संसदीय समिति 

काठमाडौं । संघीय संसदको अन्तर्राष्ट्रिय सम्बन्ध समितिले नेपालमा हुने भनिएको आईफा अवार्ड रोक्न निर्देशन दिएको छ । भदौ महिनाको दोस्रो साता आयोजना हुन लागेको अवार्ड रोक्न समितिले निर्देशन दिएको समिति सचिव सुरजकुमार दुराले जानकारी दिएका छन्।

मंगलबार बसेको समितिको बैठकले विवादमा तानिएको आईफा अवार्डको कार्यक्रम रोक्न सरकारलाई निर्देशन दिएको हो । समितिमा उपस्थित सबै सांसदहरुले अवार्डको विपक्षमा भनाई राखेका थिए । सांसदहरु यसको विरोधमा उत्रिएपछि सभापतिले अवार्ड रोक्न निर्देशन दिएको सचिव दुराले जानकारी दिए ।

समितिका सदस्यसमेत रहेका सांसद दिव्यमणि राजभण्डारीले भने, ‘नेपाली जनतालाई आर्मी अफिसर्स क्लब छिर्न नदिने, भारतीय कलाकार आएर नाच्दा सेनाले सुरक्षा दिने रु’

सांसद राजभण्डारीले सलमान खान नेपाल आउने भनिएपनि सुरक्षाको कारण देखाएर नआएको भन्दै उनले आईफाका लागि समेत नेपाल नआए समस्या हुनेभन्दै रोक्न निर्देशन दिएको बताए ।

समिति सचिव दुराले आईफा अवार्ड रोक्न निर्देशन दिएको पुष्टि गरे । उनले भने,‘सबै माननीय सदस्यहरुले आईफा अवार्डको विरोध गरेपछि समितिले रोक्न निर्देशन दिएको हो ।’ उनले अवार्ड कार्यक्रम रोक्न निर्देशन दिने समितिको निर्णयमा सर्वसम्मत भएको समेत जानकारी दिएका छन् ।