प्रहरीसँग एक दिन !

काठमाडौं । महानगरीय प्रहरी कार्यालयको आयोजनामा प्रहरीसँग एक दिन कार्यक्रम सम्पन्न भएको छ । महानगरीय प्रहरी कार्यालयका प्रमुख प्रहरी नायव महानिरीक्षक शैलेश थापा क्षेत्रीको प्रमुख आतिथ्यतामा सम्पन्न कार्यक्रम सम्पन्न गरिएको हो ।

कोरोना स्कुल, रानिबनमा अध्ययनरत २१ जना विद्यार्थीहरुको सहभागिता रहेको कार्यक्रममा प्रमुख अतिथि क्षेत्रीले विद्यार्थीहरुबाट आएका जिज्ञासाको जवाफ दिदै आफु सुरक्षित हुन अपनाउनु पर्ने साबधानी तथा आधारभुत सुरक्षाको बारेमा बताए ।

प्रशिक्षणको क्रममा प्रहरी नायव उपरीक्षक गोबिन्द राज काफ्लेले विद्यार्थीहरुलाई लागु औषध, साइबर क्राइम तथा कुनै पनि खबर, सुचना दिन प्रहरीलाई १०० मा कसरी डायल गर्ने भन्ने बारेमा प्रशिक्षण प्रदान गरे ।

साथै सोही कार्यक्रममा लैंगिक हिंसा तथा कानुनी व्यबस्था सम्बन्धि प्रहरी निरीक्षक फुल मायाँ घिसिङले जानकारी गराए। कार्यक्रम पश्चात बिद्यार्थीहरुलाई Police Control Room को भ्रमण गराई Control Room बाट प्रहरीले गर्ने कामरकारवाहीबारे सैद्धान्तिक र ब्यवहारिक ज्ञान प्रदान गरिएको थियो ।