अंग्रेजी सुधार गर्ने १०० वटा अनौठो तरिकाहरु – भाग ७

६१. अमेरिकी र बेलायती अंग्रेजीको फरक बारे सचेत चाहीँ हुनुहोस् र आफुले प्रयोग गर्ने शब्द सोही अनुसार प्रयोग गर्नुहोस । For example: Elevator (US) / Lift (British).

६२. आफुसँगै क्युकार्ड (क्युकार्ड भनेको सानो कागजको टुक्राहरु हो जहाँ तपाईंले नयाँ शब्दहरु लेख्न सक्नुहुन्छ) बोक्नुहोस् । तपाईंले यि कार्डहरुलाई आफु फुर्सद भएको समयमा तानेर हेर्न सक्नुहुनेछ ।

६३. यि क्युकार्डहरुलाई आफ्नो घर कोठामा टाँस्नुहोस् । जसलाई तपाईंले केही चिजहरुको मात्रा छुट्याउन प्रयोग गर्न सक्नुहुनेछ । आफ्नो पाल्तु कुकुर वा खेलौनामा पनि टाँस्नुहोस् ।

६४. तपाईंले वाक्यांश क्रियालाई वेवास्ता गर्न सक्नुहुन्न । अंग्रेजीमा प्रयोग गरिने त्यस्ता सयौँ क्रियाहरु छन् । तपाईंले जति धेरै तिनमा ध्यान दिनुभयो त्यति नै तपाईं नयाँ क्रियाहरुको अर्थ पत्ता लगाउन सक्नुहुनेछ । तपाईंले तिनीहरुको ढाँचा पनि पत्ता लगाउनुहुनेछ ।

६५. तपाईंको आफ्नो प्रतिउत्पन्न मति क्षमता प्रयोग गर्नुहोस् । तपाईंको नकारात्मक भावनाहरुलाई खासै ध्यान नदिनुहोस् । तपाईंलाई आश्चर्य लाग्न सक्छ, कसरी तपाईंका पहिलो अनुमानहरु प्रायः ठीक हुन्छन् भनेर । जस्तोकी हामीले सुरुमा नै भनेका थियौँ तपाईं आत्मविश्वासी बन्नुहोस् भनेर ।

६६. तपाईंको विचारहरुलाई भेला गर्नुहोस् । बोल्नुभन्दा अगाडी के बोल्दैछु भनेर सोच्नुहोस् । जस्तो की तपाईंलाई व्याकरण थाहा छ तर हुनसक्छ, तपाईंले बोल्दाखेरी त्यसलाई सही तरिकाले प्रयोग गर्नुभएको छैन ।

अंग्रेजी सुधार गर्ने अनौठो १०० वटा तरिकाहरु – भाग ६

६७. नयाँ-नयाँ मानिसहरुलाई भेट्नुहोस् । तपाईंको सहरको अंग्रेजी बोल्ने मानिसहरुसँग घुलमिल हुन र सम्बन्ध बनाउन प्रयास गर्नुहोस् । तपाईं कुनै क्लब वा बारमा जान सक्नुहुनेछ जहाँ विदेशीहरुको जमघट हुन्छ । एउटा पिय पदार्थ किन्नुहोस् जुन कुरा विदेशीहरुसँग कुराकानी गर्न बाहना बन्न सक्छ, उनीहरुले यस्तो मन पराउँछन् ।

६८. अंग्रेजीमा कुराकानी सुरु गर्ने व्यक्ती बन्नुहोस् । कुराकानीलाई जारी राख्नुहोस् र सुन्न उत्प्रेरित गर्ने शब्दहरु प्रयोग गर्नुहोस् । जस्तै सँच्चिकै ? अनि ? त्यस पछि (‘really?’ / ‘go on…’/ ‘what happened then?’) अरुले तपाईंसँग बोल्ला वा बाेलाउला कि भनेर नबस्नुहाेस्र, बोल्ने काम सुरु गरिहाल्नुहोस् ।

६९. वादविवाद गर्नुहोस्, कुनै शिर्षकमा समुहमा छलफल गर्नुहोस्, यसाे गर्दा हरेक व्यक्तिले आफ्नो धारणा छान्नु पर्छ । यदी आफुलाई मन नपरे पनि । त्यसपछि समुहमा तर्क वितर्क गर्नुहोस् । निश्चित गर्नुहाेस् कि तपाईंले आफ्नो कुरा स्पष्टसँग राख्नुभयो । सक्रिय भएर सक्रिय श्रोता बन्न सिक्नुहोस् । सक्रिय स्रोता बन्दा तपाईंलाई कक्षाकोठा र अन्य ठाउँमा समुहामा अध्ययन गर्न पनि सहज हुन्छ । बोलिरहेको व्यक्तिप्रति एकदम ध्यान दिनुहोस् । अन्य व्यक्ति वा घटनाले गर्दा भ्रमित (ध्यान भंग) नहुनुहोस् । वक्ता प्रति आफ्नो कान-आँखा दुवैले ध्यान केन्द्रित गर्नुहोस् । वक्ताले सुनाउन प्रयास गरिरहेको क्षणलाई पक्ष्याउनुहोस् । यसो गर्नाले अरुले भनेको सुन्न, दोहोर्याउन र उनिहरुको विचार बुझ्न सहयोग पुग्छ ।

७०. अंग्रेजी शब्दहरु सिक्नुमात्रै सबै कुरा होइन । तपाईंले एउटा सुगालाई पनि अंग्रेजी पढाउन त सक्नुहुन्छ तर यसको मतलब यो होइन कि सुगाले अंग्रेजी बोल्न सक्छ । तपाईंलाई अझै पनि व्याकरणको बुझाइ र सिप आवश्यक हुन्छ ।

हिलारि हेस्टर, अंग्रेजी भाषा शिक्षक, अष्ट्रेलिया । अनुवादक : सन्तोष खड्का