काठमाडौं । नेपाली कांग्रेसको भातृ संगठन नेविसंघले काठमाडौंको अनामनगर स्थित सिहंदरबार वरीपरि राके जुलुस निकालेको छ ।

तरकारीमा बिषादी भन्दै सोमबार साँझ करिव पौने ८ बजेतिर ओली सरकार विरुद्ध राके जुलुस निकालेका नेविसंघका कार्यकतालाई प्रहरीले अनामनगरबाट पक्राउ गरेको हो ।

भारतबाट आयातित तरकारी तथा फलफूलमा हुँदै आएको विषादी परीक्षण सरकारले स्थगन गरेको विरोधमा नेपाल विद्यार्थी संघ ‘नेविसंघ’ ले आइतबारबाट आन्दोलन थालेको बताएको छ ।

सरकारले जनतालाई विषादीयुक्त आयातित तरकारी र फलफूल खान बाध्य पारिएको भन्दै नेविसंघले साँझ राके जुलुस निकारहेको बेला प्रहरीले केही कार्यकतालाई अनामनगरको घट्टेकुलो चोक अगाडिबाट पक्राउ गरेको हो ।

राके जुलुसमा निस्केका नेविसंघका कार्यकताले तरकारीमा बिषदी मौलायो, केपी तेरो काल आयो, केपी ओली चोर देश छोड, ओली तेरो पाराले दुःख पाए साराले जस्ता नारा लगाएका थिए ।

सिहँदरबारको मुल ढोकाबाट राके जुलुसमा सोमबार साँझ नारा लगाउदै हिडेका नेविसंघका कार्यकतालाई प्रहरीले अनामनगरको पूर्विगेट पट्टी रहेको घट्टेकुलोबाट पक्राउ गरेको हो ।

यो पनि पढ्नुस:

नेविसंघले गर्यो तरकारीको माला लगाएर ओली सरकारको विरोध !