लगातार वर्षा भएपछि आन्तरिक उडान प्रभावित

काठमाडौं । लगातार मेघगर्जनसहित वर्षा भएपछि शुक्रबार आन्तरिक उडानहरु प्रभावित भएका छन् । जहाजहरुको उडान प्रभावित भएपछि काठमाडौँ आउने र काठमाडौँबाट बाहिर जाने यात्रुहरु विमानस्थलमै रोकिनु परेको छ । तर त्रिभुवन अन्तराष्ट्रिय विमानस्थलले भने उडान ठप्प नभएको बताएको छ ।

केहीबेर मौसमका कारण उडान प्रभावित भए पनि ठप्प भने नरहेको विमानस्थलले जानकारी दिए। ‘अन्तरराष्ट्रिय उडान रोकिएका छैनन्, आन्तरिक उडानमा केही समस्या छ तर ठप्प भएको छैन’, उनले भने ।

लगातार वर्षा भएपछि बाढी तथा पहिरोका कारण विभिन्न ठाउँका राजमार्गहरु पनि अवरुद्ध छन् । हवाई सेवा पनि प्रभावित भएपछि नागरिकहरु समस्यामा परेका छन् ।