झरी संगै नेविसंघको सरकार विरोधी आन्दोलन,बिरोधका कार्यक्रम जारी रहन्छ:नेता पाण्डे

काठमाडौँ । नेपाल विद्यार्थी संघले सरकार बिरुद्ध चरणबद्द रुपमा आन्दोलन गर्दै आएको छ । आन्दोलनको पुर्व निर्धारित कार्यतालिका बमोजिम शुक्रवार अविरल वर्षा संगै माइतीघर मण्डलामा भेला भएका संघका नेता, कार्यकर्ताले सरकार विरुद्ध नाराबाजी गरेका छन् ।

नेविसंघ निवर्तमान महामन्त्री कुन्दन राज काफ्लेको नेतृत्वमा भेला भएका विद्यार्थीहरुले झरिको पर्वाह नगरी सरकारको विरुद्ध उत्रिएको हो । “बिषादी हामीलाई चाहिँदैन जनता मार्न पाइँदैन” जस्ता नारा लगाउदैँ नेविसंघका नेता कार्यकर्ताले नाराबाजी गरेका छन् ।

सरकारले चालेको गलत कदमको विरुद्ध सडकमा उत्रिने नेविसंघको यो नाराबाजी भने अन्य प्रदर्शन भन्दा पृथक रहेको छ । कसैले छाता त कसैले रेनकोट ओडेर सरकारको बिरोध गरिरहेको छन् । हामिलाई न झरिको पर्वाह छ न त बिदेशिको ईसारामा चल्ने ओलि सरकारको नै, हाम्रो सरोकार तिन करोड नेपालीको स्वास्थ्य हो, नेवि संघ पुर्व केन्द्रिय सदस्य युवराज पाण्डेले भने ।

बिदेशबाट आयात गरिने फलफुल तरकारीको बिषादी परिक्षण नगर्ने सरकारी निर्णय आपत्तिजनक छ उक्त निर्णय सच्याउन सरकारसंग जोडदार माग गछौँ, उनले भने । बिरोधका कार्यक्रम जारी रहन्छ, नेता पाण्डेले नेपाल बहस संग भने । संघका नेताहरूले शनिबारबाट नयाँ ढंगले दोस्रो चरणको आन्दोलन थाल्ने बताइएकोछ ।