जनता बैंकले खोल्यो खुमलटारमा शाखा

काठमाडौं । जनता बैंक नेपाल लिमिटेडले आज आषाढ ३० गते, सोमबार ललितपुर जिल्लाको खुमलटारमा आफ्नो शाखा कार्यालयको औपचारिक समुद्घाटन गरी कारोवार शुभारम्भ गरेको छ ।

उक्त शाखाको समुद्घाटन बैंक संचालक समिति अध्यक्ष केशबबहादुर रायमाझीले गरेका थिए । उद्घाटन कार्यक्रममा बैंकका अन्य संचालक र प्रमुख कार्यकारी अधिकृत परशुराम कुँवर क्षेत्रीको उपस्थिति रहेको थियो ।

देशको सबै क्षेत्र र वर्गसम्म बैंकिङ्ग सेवाको पहुँच पु¥याउने उद्देश्यले शाखा बिस्तारलाई तिब्रता दिएको जनता बैंकको शाखा सञ्जाल यो समेत १४२ पुगेको छ भने काठमाडौं उपत्यकामा यो २४ औं शाखा हो ।

यस अतिरिक्त बैंकले १०८ एटीएम, ५० शाखारहित बैंकिङ्ग, १ सीमित बैंकिङ्ग ईकाइ, ३ एक्सटेन्सन काउन्टरमार्फत ग्राहकहरु माझ सेवा प्रदान गर्दै आइरहेको छ ।