गफाडी नामक सिरियल प्रशारणमा आउने

काठमाडौं । नेपाली सिरियलहरुको भिडमा हास्यव्यंग्य सिरियल गफाडी थपिने भएको छ। भुमिलक्ष्मी मिडियाको ब्यानरमा निर्माण हुनलागेको उक्त सिरियल हरेक शनिबार राती ८ बजे बीजनेश टेलिभिजनमा नियमीत प्रसारण हुने छ। यस सिरियलमा नयाँ पुराना सबै कलाकारको अभिनय रहेको भूमीलक्ष्मी मिडिया हाउसका संचालक रबिन्द्र लम्सालले जानकारी दिए ।

मिलन राई, अनुपम पौडेल, रबिन्द्र लम्साल, राम तिमल्सेना, राजकुमार खड्का, सिताराम आचार्य, मन्दिरा थापा, राजन उप्रेती, कौशिला गुभाजु, निशान बिसि, सागर श्रेष्ठ, यश ठकुरी, अनिसा पराजुली, सुशील भुसाल लगायत कलाकारको मुख्य अभिनय रहनेछ । सिरियलमा अनुपम पौडेलले कथा लेखन र निर्देशन गर्ने छन् । रबिन्द्र लम्सालको छायांकन तथा मिलन राईको सम्पादन गर्ने छन् ।

उक्त हास्यब्यङ्ग्य मार्फत सिरियल गफाडीले समसामायिक बिषयवस्तुमा अधारित कथाहरु प्रस्तुत गर्ने जनाइएको छ । हास्यव्यंग्यको माध्यमबाट दर्शकलाई मनोरञ्जन दिनुको साथै समाजमा व्याप्त कुसंस्कार, बेथिती, भ्रष्टाचार लगायत जल्दोबल्दो विषयमा प्रस्तुतीका माध्यमबाट सन्देशमुलक जानकारीसमेत दिने लेखक पौडेलले जानकारी दिए।