सिटिजन बैंकको नाफा २० प्रतिशतले बढ्यो, खराब कर्जा अनुपात १ प्रतिशत मात्रै !

काठमाडौं । सिटिजन्स बैंक इन्टरनेशनल लिमिटेडले गत आर्थिक वर्षको चौथो त्रैमासमा १ अर्ब ४८ करोड ८४ लाख २४ हजार चार सय छैसाठ्ठी रुपैयाँ खुद मुनाफा कमाएको छ । बैंकले कमाएको उक्त मुनाफा रकम अघिल्लो वर्षको भन्दा २०.६० प्रतिशतले धेरै हो । अघिल्लो वर्ष बैंकले १ अर्ब २३ करोड ४१ लाख रुपैयाँ मात्र मुनाफा कमाएको थियो ।

बैंकले खुद मुनाफा, प्रतिशेयर आम्दानी, खुद ब्याज आम्दानीलगायत महत्वपूर्ण सूचकहरुमा पनि सुधार गरेको छ । सिटिजन्सको चुक्ता पुँजी ४.२० प्रतिशतले बढ्दा रिजर्भ कोषमा भने २.५१ प्रतिशत गिरावट आएको छ । तर सञ्चित मुनाफा भने ८५८.८५ प्रतिशते ले धेरै भएको छ ।

७० अर्ब ३५ करोड निक्षेप संकलन गरेर ६२ अर्ब ९० करोड रुपैयाँ ऋण प्रवाह गरेको बैंकले दुई अर्ब ८१ करोड ६४ लाख रुपैयाँ खुद ब्याज आम्दानी गरेको छ। बैंकले ५० करोड २८ लाख रुपैयाँ फि, कमिसनबाट मात्रै आर्जन गरेको छ।

बैंकले ३.८४ प्रतिशतको ब्याज स्प्रेडमा काम गरेको जनाएको छ। जबकी राष्ट्र बैंकले साढे चार प्रतिशतसम्म काम गर्न छुट दिएको छ। बैंकको पूँजी कोष अनुपात १३ प्रतशितमाथि छ भने खराब कर्जा अनुपात एक प्रतिशतको हाराहारीमा छ ।

बैंकको आधार दर भने केही महँगो छ। बैंकको आधार दर १०.५२ प्रतिशत छ। बैंकको प्रतिशेयर आम्दानी १७ रुपैयाँ ७९ पैसा, मुल्य आम्दानी अनुपात १२ रुपैयाँ ५९ पैसा र प्रतिशेयर नेटवर्थ १४८ रुपैयाँ ८७ पैसा रहेको छ ।