राष्ट्र बैंकमा ५ कार्यकारी निर्देशकको पदावधि समाप्त, नियमन विभागमा जान रस्साकस्सी चल्दै

काठमाडौं । ३० वर्षे सेवा अवधिका कारण नेपाल राष्ट्र बैंकमा कार्यरत ५ जना कार्यकारी निर्देशकको पदावधि अन्त्य भएको छ । पदावधि सकिनुभन्दा केही अघि बिदा बस्ने प्रचलन अनुसार ५ जना कार्यकारी निर्देशक गत बिहीबारबाट बिदामा बसेका छन् ।

३० वर्षे सेवा हदका कारण बिदामा बस्नेहरूमा प्रवक्ता एवं बैंक तथा वित्तिय संस्था नियमन विभागका प्रमुख नारायणप्रसाद पौडेल, राष्ट्र ऋण व्यवस्थापन विभागका कार्यकारी निर्देशक नरबहादुर थापा, लघुविक्त प्रर्वधन तथा सुपरिवेक्षण विभागमा कार्यरत जनकबहादुर अधिकारी, विदेशी विनिमय व्यवस्थापन विभागका कार्यकारी निर्देशक भीष्मराज ढुंगाना र बैंकिङ कार्यालय थापाथलीका प्रमुख कार्यकारी निर्देशक झलक शर्मा आचार्य  हुन् ।

बैंक तथा वित्तिय संस्था नियमन विभागलाई राष्ट्र बैंक भित्र शक्तिशाली विभागको रुपमा हेरिन्छ । त्यस विभागको नेतृत्व सम्हाल्न अहिले बैंक भित्र नै रस्साकस्सी चलेको निकट स्रोतले नेपाल बहस डटकमलाई जनाएको छ ।