बागलुङका एक लाख ३१ हजार पशुलाई लगाइयो खोप
नेपालबहस संवाददाता
बैशाख १७, २०८१ सोमबार १६:२५:२३
१७ वैशाख, बागलुङ । बागलुङमा एक लाख ३१ हजार पाँच सय ७४ पशु चौपायालाई विभिन्न रोगविरुद्धको खोप लगाइएको छ । जिल्लाका १० स्थानीय तहमध्ये छ पालिकामा कुकुर, भैसी, राँगा, गोरु, बाख्रा र बङ्गुरलगायतका पशुलाई विभिन्न रोगविरुद्धको खोप लगाइएको हो ।
संघ, प्रदेश र स्थानीय सरकारसँगको समन्वयमा जिल्लाका १० वटै स्थानीय तहका दुई लाख ३५ हजार पशुमा खोप लगाउने लक्ष्यअनुसार खोप अभियान सञ्चालन गरिराखेको भेटेरिनरी अस्पताल तथा पशुसेवा विज्ञ केन्द्र बागलुङका प्रमुख ऋषिराम सापकोटाले जानकारी दिए ।
पशुचौपायामा देखिने खोरेत, रेबिज, चर्चरे, भ्यागुते, पिपीआर र स्वाइन फिवर लगायतका खोप लगाइएको सापकोटाको भनाइ छ । गत माघ महिनादेखि सुरु गरिएको खोप अभियानमा हालसम्म ढोरपाटन नगरपालिका, जैमिनी नगरपालिका, निसीखोला गाउँपालिका, तमानखोला गाउँपालिका र बरेङ गाउँपालिका पशुलाई खोप लगाइसकेको भेटेरिनरी अस्पताल तथा पशुसेवा विज्ञ केन्द्रका पशु स्वास्थ्य अधिकृत केशवराज शर्माले जानकारी दिए ।
भेटेरिनरी अस्पताल तथा पशु सेवा विज्ञ केन्द्रले हालसम्म १८ हजार दुई सय ९६ गाई गोरु र २९ हजार छ सय १५ राँगा भैँसीलाई खोरेतविरुद्धको खोप लगाएको छ । करिब ६४ हजार दुई सय १७ बाख्रा र १० हजार पाँच सय ३२ भेडालाई पीपीआर खोप लगाएको पशु स्वास्थ्य अधिकृत शर्माको भनाइ छ ।
त्यसैगरी सात सय २८ बङ्गुरलाई स्वाइन फिवर र छ सय ८८ बङ्गुरलाई खोरेतविरुद्धको खोप लगाइएको छ । छ स्थानीय तहका सात हजार चार सय ९८ कुकुरलाई रेबिजविरुद्धको खोप लगाइएको शर्माले जानकारी दिए । यतिबेला गलकोट नगरपालिका र ताराखोला गाउँपालिकामा खोप अभियान सञ्चालन भइरहेको छ । बागलुङ र काठेखोलामा वैशाख १८ गतेदेखि खोप लगाउन सुरु गरिने कार्यालय प्रमुख सापकोटाको भनाइ छ ।
भेटेरिनरी अस्पताल तथा पशु सेवा विज्ञ केन्द्रले अगुवा कृषकसँग छलफल, राजनीतिक दल, जनप्रतिनिधि लगायतसँग विभिन्न छलफल र परामर्श सम्पन्न गरेपछि हरेक स्थानीय तहका पशुचौपायाको तथ्याङ्क सङ्कलन गरेर किसानका घरघरमै पुगेर खोप लगाउने काम गरेको हो । केन्द्रबाट हरेक स्थानीय तहमा दुई समूहमा खटिएका प्राविधिक तथा स्वास्थ्यकर्मीको टोलीले १५÷१५ दिनसम्म घरदैलोमै खोप अभियान सञ्चालन गरेका थिए ।
अघिल्ला वर्षमा पशुलाई खोप लगाउँदा दूध घटाउँछ, बिरामी पर्छन् भनेर नमान्ने कृषक पनि यस वर्ष उत्साहका साथ अभियानमा सहभागी भएको सापकोटाले बताए । गत वर्ष पशुमा देखिएको लम्पी स्किन रोगका कारण तर्सिएका किसान खोपकै कारण उक्त रोगबाट पशुलाई जोगाउन सकिएपछि अन्य रोगको खोप पनि लगाउनुपर्नेमा सहमत भएर थप सजग भएको उनको भनाइ छ ।
गाई, बाख्रा र भैँसीमा बेलाबेलामा देखिने सङ्क्रमणबाट आजित भएका किसान यसपटक आफ्ना पशुलाई खोप लगाइदिनु पर्यो भन्दै भेटेरिनरी अस्पताल आउन थालेको सापकोटाले बताए । सापकोटाले भने, “जिल्लाका १० वटै पालिकाका करिब साढे दुई लाख पशुलाई पोख लगाउने योजना थियो, सबै गाउँगाउँमा पशु प्राविधिक खटाएर खोप लगाएका हौँ, अब केही पालिकामा लगाउनै बाँकी छ, जेठको अन्तिमसम्म सकिनेछ ।”
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपदोदा बगरमा सागसब्जी फलाएर आकर्षक आम्दानी गर्दै पाँच सय किसान
जेठ ६, २०८१ आइतबार
आयआर्जन वृद्धि गर्न अतिविपन्नलाई बाख्रा अनुदान
जेठ ४, २०८१ शुक्रबार
कोदोखेतीतर्फ पर्वतका किसानको आकर्षण बढ्दै
जेठ ४, २०८१ शुक्रबार
अवनतिको बाटो फेर्न लागेको राजनीति र सुरक्षा चासो
सुबोधकुमार अधिकारी
जेठ ४, २०८१ शुक्रबार
विद्यार्थी मृत फेला परेपछि आक्रोशित भिडद्वारा स्कुलमा आगलागी
नेपालबहस संवाददाता
जेठ ४, २०८१ शुक्रबार
डीआईजी बढुवाको छलाङले प्रहरीमा चरम नैराश्यता, विवादको घेरामा लामिछाने
जेठ ५, २०८१ शनिबार
तपाईको आजको राशीफल कस्तो छ ?
जेठ ६, २०८१ आइतबार
ताइवानको संसदमा सांसदहरुबीच हानाहान !
जेठ ५, २०८१ शनिबार
'डोको बोकेर दौडिने' प्रतियोगितामा फक्ताङ्लुङका छत्रबहादुर कार्की प्रथम
जेठ ६, २०८१ आइतबार
मेची भन्सारद्वारा रु एघार अर्ब ५९ करोड राजस्व संकलन
जेठ ६, २०८१ आइतबार
अवैध लागूऔषधसहित चार जना पक्राउ
जेठ ६, २०८१ आइतबार
निर्माण व्यवसायीको ढिलासुस्तीका कारण सेतीमा पक्की पुलको काम अलपत्र
जेठ ६, २०८१ आइतबार
रुडु बन्चु प्रचारप्रसार र संरक्षण अभावले ओझेलमा
जेठ ६, २०८१ आइतबार
कार्यदलको बैठक छाडेर संसदीय दलको कार्यालयमा आए कार्की र परियार
जेठ ६, २०८१ आइतबार