‘हत्यारा’ पक्राउ परेपछि गरियो निरा पाण्डेको अन्त्येष्टि

१९ वैशाख, काठमाडौं । कपनकाे सरस्वती नगरमा वैशाख ७ गते दिउँसो हत्या गरिएकी निरा पाण्डे आचार्यको अन्त्येष्टि गरिएको छ ।

पीडित परिवारले निराको हत्यारा पत्ता नलागेसम्म शव नबुझ्ने अडानमा लिँदै आएको बेला शनिबार मात्र ‘हत्यारा’ झापाका विनोद विकलाई पक्राउ गरी काठमाडौंमा आइतबार सार्वजनिक गरिएको थियो । त्यसको भोलिपल्ट सोमबार परिवारका सदस्यले शव बुझेर अन्त्येष्टि गरेका हुन् । 

बाग्लुङकी ३५ वर्षीया निराको आफ्नै भाँडा पसलमा छुरा प्रहारबाट ज्यान गएको थियो । निराको हत्या खर्च चलाउनै समस्या परेपछि पैसाका लागि आफूले हत्या गरेको बयान विकले दिएको प्रहरीले बताएको छ ।

थप अुनसन्धान भइरहेको जनाइएको छ । हत्यापछि विकले मृतकको घाँटीमा लगाएको एक तोलाको सुनको सिक्री र काउण्टरबाट पैसा लुटेर स्वीकारे दाबी प्रहरीको छ ।