प्रधानाध्यापक र शिक्षकबीचको विवादले पठनपाठनमा असर
नेपालबहस संवाददाता
बैशाख ५, २०८१ बुधबार १२:२१:१५
♦ विशाल बस्नेत
५ वैसाख, महोत्तरी । बल्वा नगरपालिकाको एक विद्यालयमा प्रधानाध्यापक र शिक्षकबीचको विवादले पठनपाठनमा असर परेको छ ।
वडा नं. ६ स्थित योग कुमार माध्यामिक विद्यालयका प्रधानाध्यापक निरिपेन्द्र कर्ण र केही शिक्षकबीचको आन्तरिक कलहले पठनपाठनमा गम्भीर असर परेको अभिभावकहरूले गुनासो गरेका छन ।
सोही विद्यालयमा अध्यापन गराउने शिक्षक सोभालाल यादवका अनुसार प्रधानाध्यापक कर्ण शृंखलावद्ध अनियमिततामा सहभागी भएपछि शिक्षकहरूबीच दुरी बढेको हो ।
उक्त विद्यालयमा अहिलेसम्म व्यवस्थापन समिति बन्न सकेको छैन । व्यवस्थापन समिति नभएको मौका छोपेर प्रधानध्यापकले आफुखुसी विद्यालयको सम्पत्ति नै हिनामिना गरेको शिक्षकहरूको आरोप छ ।
विद्यार्थीहरूसँग टाई र परिचयपत्रका नाममा आफूखुसी पैसा उठाएर अपचलन गरेको आरोप आइरहेको वेला विद्यालयको गोदाममा राखेको काठहरू समेत लिलाम गरेर प्रधानाध्यापक कर्णले भ्रष्टाचार गरेको शिक्षकहरूले आरोप लगाएका छन ।
काठहरू वेचेको न्यून पैसा मात्र खातामा देखाएको र लाखौं रुपैया अनियमितता गरेको अर्का शिक्षक जीवन श्रेष्ठले बताए । काठको विषयमा अख्तियार दुरुपयोग अनुसन्धान आयोग बर्दिबासमा शिक्षक सोभालाल आफैले उजुरी हालेका थिए । यहीबाट सुरु भएको विवाद अहिले विद्यार्थीहरूको पठनपाठनमा समेत देखिएको छ । तर प्रधानाध्यापक कर्णले भने शिक्षकहरूले आरोप लगाएर जस्तो नभएको जिकिर गरेका छन । सोभालाल यादव नियमित कक्षामा नआउने र विद्यालयको समयावधि पहिले नै निस्कने कारणले कारवाही गरेको हुँदा बदला लिने उद्देश्यले अफबाह फैलाइरहेको उनको भनाई छ ।
तर शिक्षक यादवले एसईईको समयमा विद्यालयबाट विना कारण १८४ जना विद्यार्थीहरूसँग जनही ३ सयका दरले अवैधानिकरुपमा पैसा उठाएको समेत आरोप लगाएका छन । विल विना पैसा उठाएर उक्त पैसा लेखा शाखामा नबुझाएको कर्णमाथि आरोप लागेको छ । यो आरोप यसलाई स्थानीय अभिभावकले समेत ऐक्यबद्धता जनाएका छन ।
अभिभावक कुशेस्वर महतोले शिक्षक सोभालालले भनेको बिषयहरुमा सत्यता नै भएको दावी गरेका छन । 'हामीले कक्षा-१० को विद्यार्थीहरूलाई ३ सय मागेपछि घरबाट पठाएका थियौ । त्यो कता खर्च भयो वा केको लागि लिएको थियो अझै खुल्न सकेको छैन ।' अभिभावक महतोले भने । 'यसको विषयमा छानबिन हुनुपर्छ अहिलेसम्म लेखा शाखामा यो पैसा जम्मा भएको पाइएको छैन ।'
काठ लिलाम गरेको झन्डै ५५ हजार मात्र खातामा देखाएको र १८४ जना विद्यार्थीहरूसँग ३ सयका दरले उठाएको पैसा लेखा शाखामा दाखिला नभएको लेखापाल संजिव यादवले बताए ।
'मैले पनि प्रधानाध्यापक कर्णले पैसा उठाएको भन्ने थाहा पाएको हौ तर उक्त पैसाको विषयमा लेखा शाखा अनविज्ञ छ ।' लेखापाल यादवले भने । 'खै अव सम्बन्धित निकायले यसको छानबिन गर्ला नी सरहरू सबन्धित निकायसम्म पुग्नु भएको छ क्यार ।'
यता नगर शिक्षा शाखाका शाखा अधिकृत रामविनय यादवले भने विद्यालयमा प्रधानाध्यापक कर्ण भन्दा पनि शिक्षक दोषी भएको बताए । उनले विद्यालयको विषयमा पटक(पटक छलफल भएको तर शिक्षकहरूले मनोमानी गर्न नपाउँदा प्रधानध्यापकमाथी रिस पोखिरहेको बताउँदै शिक्षक सोभालाललाई सजायस्वरूप एक महिनाको १० हजार तलब समेत काटेको बताएका छन ।
शिक्षक सोभालाल विद्यालयमा महिनामा धेरै दिन उपस्थित नै नभएपछी शिक्षा शाखा र प्रधानध्यापकविच भएको छलफलमा नै चेतावनीस्वरूप कारवाही गरेको प्रमुख यादवको भनाई छ ।
तर शिक्षक यादवले भने यसलाई अस्विकार गरेका छन् । संचित विदाको अभिलेख नै गायब बनाएर झुटो आरोप लगाएको उनको भनाई छ । यादवले अभिलेख देखाएर यसको पुष्टि गर्न चुनौती समेत दिएका छन ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसामुदायिक विद्यालयमा विद्यार्थी बढे, दुई ‘सिफ्ट’ मा सञ्चालन
बैशाख १८, २०८१ मंगलबार
विद्यार्थीको संख्या घटेपछि पर्वतका २५ विद्यालय समायोजन
बैशाख १७, २०८१ सोमबार
प्राथमिक तहमा शिक्षक माग, सात प्रदेशमा गरी ४४६२ पद
बैशाख १५, २०८१ शनिबार
एसपीको ड्राइभर कि घुमुवा ?
नेपालबहस संवाददाता
बैशाख १७, २०८१ सोमबार
बिहानै कतार एयरको विमानसँग सिम्रिक हेलिकप्टर ठोक्किन आइपुगेपछि.....
नेपालबहस संवाददाता
बैशाख १८, २०८१ मंगलबार
नबिल बैंकको वीरगञ्ज शाखाबाट १ करोड ३४ लाख नोट चोरी, चोर खोज्दै प्रहरी
नेपालबहस संवाददाता
बैशाख १८, २०८१ मंगलबार
बिहानै कतार एयरको विमानसँग सिम्रिक हेलिकप्टर ठोक्किन आइपुगेपछि.....
बैशाख १८, २०८१ मंगलबार
नबिल बैंकको वीरगञ्ज शाखाबाट १ करोड ३४ लाख नोट चोरी, चोर खोज्दै प्रहरी
बैशाख १८, २०८१ मंगलबार
प्रेस स्वतन्त्रता कुण्ठित गर्ने अदालतको आशय स्वीकार्य छैनः अध्यक्ष लम्साल
बैशाख १८, २०८१ मंगलबार
पशुपतिनाथ जलहरी प्रकरण : कोषका तत्कालीन सदस्यसचिव थापासहित ३ जनाले पाए सफाइ
बैशाख १८, २०८१ मंगलबार
सप्तरीको चिम्टीमा भीषण आगलागी, सयबढी घर जलेर नष्ट
बैशाख १८, २०८१ मंगलबार
एमालेको विजय सभाबाट फर्केको पिकअप दुर्घटना हुँदा १९ जना घाइते
बैशाख १८, २०८१ मंगलबार
डोल्पाबाट निर्वाचित सबै सांसद मन्त्री !
बैशाख १८, २०८१ मंगलबार
नक्कली ड्राइभिङ लाइसेन्स बनाइदिने सरकारी कर्मचारी पक्राउ
बैशाख १८, २०८१ मंगलबार
‘पूजार सार्की’को दोस्रो गीत 'रिमै' सार्वजनिक
बैशाख १८, २०८१ मंगलबार