प्राथमिक तहमा शिक्षक माग, सात प्रदेशमा गरी ४४६२ पद

१५ वैशाख, काठमाडौं । शिक्षक सेवा आयोगले प्राथमिक तह तृतीय श्रेणीका लागि शिक्षक माग गरेको छ । आयोगले ४ हजार ४६२ शिक्षकको लागि विभिन्न समूहमा सातै प्रदेशका लागि विज्ञापन खुला गरेको हो ।

सबैभन्दा धेरै बागमती प्रदेशमा ११०३, कोशीमा १०७७, गण्डकीमा ८००, मधेशमा ५०८, लुम्बिनीमा ४९५, सुदुरपश्चिममा ३०२ र कर्णालीमा १७७ जनाका लागि आवेदन खुलेको छ । जेठ १३ गतेसम्म आवेदन दिन सकिनेछ । दोब्बर दस्तुरमा भने २० गतेसम्म आवेदन दिन सकिने आयोगले जनाएको छ ।

खुला, महिला, दलित महिला, मुस्लिम महिला, आदिवासी जनजाति, दलित, अपाङ्गता, पिछडिएको क्षेत्र र तराई–मधेशमा बसोबास गर्ने मधेशी, आदिवासी जनजाति, दलित, पिछडा वर्ग वा अल्पसंख्यक मुसलमान समुदायका लागि विज्ञापन खुलाइएको छ ।