सुदूरपश्चिम प्रदेशको मुख्यमन्त्रीमा दीर्घ सोडारी नियुक्त

६ वैशाख, काठमाडौं । सुदूरपश्चिम प्रदेशको मुख्यमन्त्रीमा नेकपा एकीकृत समाजवादीका दीर्घ सोडारी नियुक्त भएका छन् । सोडारीले एमाले, माओवादी नेकपा एकीकृत समाजवादी र नागरिक उन्मुक्ति पार्टीको समर्थनमा सोडारीले मुख्यमन्त्रीमा दाबी पेश गरेका थिए ।

आफूले समर्थन नगर्दा कांग्रेसको सहयोग लिएर सोडारी नै मुख्यमन्त्री हुने भएपछि एमाले हच्किएको हो । उसले अन्तिममा आएर सोडारीलाई समर्थन गरेको पत्र दिएको थियो । त्यसपछि उनले एमालेसहितको समर्थनमा मुख्यमन्त्रीमा दावी पेश गरेका थिए । एकीकृत समाजवादीलाई मुख्यमन्त्री दिन तयार भए पनि एमालेले सोडारीलाई मुख्यमन्त्रीमा समर्थन गर्न नसकिने अडान लिएको थियो ।