२७ करोड बढीको मुद्दामा विशेषले दियो सबैलाई सफाइ
नेपालबहस संवाददाता
बैशाख १३, २०८१ बिहिबार २१:५६:१४
१३ वैशाख, काठमाडौं । विशेष अदालतले २७ करोभन्दा बढी विगो दाबी गरिएको एउटा मुद्दामा प्रतिवादी बनाइएको सबैलाई सफाई दिएको छ । सम्पत्ति शुद्धीकरण विभागले गिल्ट इन्भेस्टमेन्ट प्रालिका पाँच जनाविरुद्ध दायर गरेको मुद्दामा सबै प्रतिवादीलाई सफाई दिइएको छ ।
डेढ वर्षअघि दायर मुद्दामा विशेषले पाँचै प्रतिवादीहरूलाई सफाइ दिने फैसला गरेको हो । मुद्दाका मुख्य प्रतिवादी होटेल याक एन्ड यतीपरिसरमा सञ्चालित रोयल क्यासिनोका सञ्चालक सुरेन्द्रबहादुर सिंहलाई बनाइएको थियो । उनीसहित पाँचजनाविरुद्ध विभागले २७ करोड ६७ लाख रुपैयाँभन्दा बढी बिगो माग दाबी गर्दै मुद्दा दायर गरेको थियो ।
सम्पत्ति शुद्धीकरण अनुसन्धान विभागले गिल्ट इन्भेस्टमेन्ट प्रालिका सञ्चालकसमेत रहेका सिंहविरुद्ध १५ कात्तिक २०७९ मा मुद्दा दायर गरेको थियो । विभागले उनीसहित शारदादेवी सिंह, जीवनबहादुर सिंह, जयन्ती थापा र गिल्ट इन्भेस्टमेन्ट प्रालिलाई प्रतिवादी बनाएको थियो ।
प्रतिवादीहरूविरुद्ध विभिन्न मितिमा एकभन्दा बढी उजुरी परेको विभागले जनाएको छ । क्यासिनो सञ्चालन गरिरहेको गिल्ट इन्भेस्टमेन्टले कर चुक्ता नै नगरी किनबेच गरेको भेटिएको थियो । रोयल क्यासिनोले राजस्व नतिरेको विषय हाल अदालतमा विचाराधीन नै छ ।
गिल्ट इन्भेस्टमेन्टका नाममा रहेको चार लाख १४ हजार रुपैयाँ जफतको माग दाबी गरिएको थियो । यस मुद्दामा विशेषका अध्यक्ष टेकनारायण कुँवर तथा सदस्यहरू रामबहादुर थापा र रितेन्द्र थापाको इजलासले फैसला गरेको हो ।
विभागले सिंहमाथि विदेशी मुद्राको अवैध कारोबार तथा जुवासम्बन्धी कसुरबाट अवैध सम्पत्ति आर्जन गरेको अभियोग लगाएको थियो । यसरी गैरकानुनी स्रोतबाट आर्जित सम्पत्तिको तह–तह रूपान्तरण, परिवर्तन, छल्ने, बदल्ने, हस्तान्तरण गर्नेजस्ता निषेधित कार्य गरेको विभागको अनुसन्धानले देखाएको थियो ।
जयन्ती थापाको मिलेमतोमा कृत्रिम आर्थिक कारोबार देखाई कारोबारको आर्थिक एवं कानुनी उद्देश्य लुकाइएको तथा कारोबारका जटिलता सिर्जना गरिएको विभागको दाबी थियो । सिंहले एकापरिवारकी सदस्य शारदा र जीवनबहादुरको नाममा घरजग्गा खरिद बिक्री गरेको तथा सम्पत्तिको स्रोत परिवर्तन गर्न विभिन्न कम्पनीमा लगानी गर्नेजस्ता कार्य सुरेन्द्रबहादुरले गरेको अभियोगपत्रमा उल्लेख थियो ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसन्दीप लामिछानेको मुद्दा आज पनि हेर्न नमिल्नेमा
बैशाख २३, २०८१ आइतबार
सन्दीपको रिट मुख्य न्यायाधीश निरौला र ढुंगेलको इजलासमा
बैशाख २३, २०८१ आइतबार
हराएका शताब्दीऔँ पुराना २४ वटा मूर्ति हवाइबाट नेपाल पठाइयो
बैशाख २१, २०८१ शुक्रबार
बस खोलामा खस्दा २० को मृत्यु, २१ जना घाइते
नेपालबहस संवाददाता
बैशाख २१, २०८१ शुक्रबार
शरीरका यी चार अंगमा तेल लगाउनुहोस्, कुनै पनि रोग लाग्दैन !
नेपालबहस संवाददाता
बैशाख २२, २०८१ शनिबार
शरीरका यी चार अंगमा तेल लगाउनुहोस्, कुनै पनि रोग लाग्दैन !
बैशाख २२, २०८१ शनिबार
गृहमन्त्रीको राजीनामा हाम्रो माग होइन, संसद चल्न संसदीय छानबिन समिति बन्नुपर्छः कोइराला
बैशाख २२, २०८१ शनिबार
चमेराहरू किन उल्टो झुण्डिएर सुत्छन् ?
बैशाख २२, २०८१ शनिबार
सन्दीप लामिछानेको मुद्दा आज पनि हेर्न नमिल्नेमा
बैशाख २३, २०८१ आइतबार
पर्यटकको आश्रयका लागि बनाइएका टेन्ट
बैशाख २३, २०८१ आइतबार
फ्रान्सेली नागरिकसहित दुई नेपालीले गरे दुई अग्ला पहाडमा चट्टान आरोहण परीक्षण
बैशाख २३, २०८१ आइतबार
आगालागीबाट ललितपुर र भक्तपुरमा ७ जना घाइते, पौने २ करोडको क्षति
बैशाख २३, २०८१ आइतबार
धनगढी–खुटिया–दिपायल द्रुतमार्गमा बनाइने आठवटा पुल निर्माण प्रभावित
बैशाख २३, २०८१ आइतबार
घरको छतमा टावर राख्ने कम्पनी नै सम्पर्कविहीन भएपछि...
बैशाख २३, २०८१ आइतबार