मिर्गौला पीडितलाई बचाउन स्याङ्गजाका युवा क्लब जागे

स्याङ्जा । दुवै मिर्गौला फेल भै विगत दुईबर्ष देखि पोखराको गण्डकी मेडिकल कलेजमा उपचारत लीलबहादुर गुरुङ्लाई आर्थिक सहयोग प्रदान गरिएको छ । स्याङ्जाको भीरकोट नगरपालिका वडा नम्बर ९ पन्चासेका ३३ बर्षीय लीलबहादुर गुरुङ्लाई नगद ७० हजार प्रदान गरिएको छ ।

पतला देवी युवा क्लब भीरकोट ८ पखेरेका युवा क्लबको संयोजकत्वमा आयोजना गरिएको मिर्गौला पीडित लीलबहादुर गुरुङ् बचाउ अभियानमा नमुना युवा क्लब रिप र नवप्रभात युवा क्लब चिलाउनेखर्कले सहयोग गरेको हो ।

दुईबर्ष देखि प्रत्येक महिना डाइलसिस गर्दा अहिलेसम्म सोह्र लाखभन्दा बढी रकम खर्च भै सकेको उनकी श्रीमती अनु गुरुङ्ले बताइन । ’ यसरी डाइलसिस गरि रहँदा भोलि मेरो श्रीमान बाँच्ने वा नबाँच्ने निश्चित छैन, अझै कति पैसा खर्च हुने त्यो पनि थाहा छैन, त्यसैले मिर्गौला प्रत्यारोपण गर्न चाहान्छु’ उनले भनिन् ।

पखेरे, चिलाउनेखर्क र रिपमा आयोजना गरिएको बचाउ अभियानबाट संकलित कुल रकम ७० हजार रुपैयाँ सहयोग गरिएको थियो । यो रकम तीनगाउँबाट मात्रै संकलन गरिएको हो ।

नवप्रभात युवा क्लबका पूर्व अध्यक्ष प्रसुन मगरले मिर्गौला प्रत्यारोपणका लागि तिनै वटा क्लब सदैव तयार रहेको बताउदै आर्थिक संकलनका लागि देश विदेशमा आव्ह्वान गर्ने तथा विभिन्न कार्यक्रमहरुको आयोजना गरी मिर्गौला पीडित लीलबहादुर गुरुङ्को रोग निको पार्ने प्रतिबद्धता व्यक्त गरे ।