जिम्बाब्वेका खेलाडीहरु सित्तैमा खेल्न तयार 

काठमाडौं । जिम्बाब्वेका खेलाडीहरुले आफ्नो देशको क्रिकेट जोगाउनका लागि सित्तैमा खेल्न तयार रहेको बताएका छन् ।

आईसीसीले हालै जिम्बाब्वे क्रिकेटलाई निलम्बन गर्दै अन्तर्राष्ट्रिय प्रतियोगितामा पनि प्रतिबन्ध लगाएको थियो । आईसीसीको आउँदो टी-२० क्वालीफायरका लागि सित्तैमा खेल्न खेलाडीहरु तयार रहेको खबर विभिन्न अन्तर्राष्ट्रिय सञ्चारमाध्यमहरुले जनाएका छन् ।

महिलाको टी-२० क्वालीफायर अगस्ट र पुरुषको क्वालीफायर अक्टोबरमा हुँदैछ । आईसीसीले प्रतिबन्ध लगाएकाले उनीहरुको यो प्रतियोगितामा सहभागिता अनिश्चित जस्तै छ । आईसीसीले १८ जुलाईमा जिम्बाब्वे क्रिकेट बोर्डलाई प्रतिबन्ध लगाउँदै सहयोग पनि रोकेको छ । यसैगरी आईसीसीले आयोजना गर्ने कुनै पनि प्रतियोगितमा सहभागिता जनाउन नपाउने गरी प्रतिबन्ध लगाइएको हो ।