मुक्त हलियाका समस्या उहि, पुनःस्थापनको रकम पनि खर्च हुन सकेन

कन्चनपुर । मुक्त हलिया पुनःस्थापनका लागि सरकारले विनियोजन गरेको रकम खर्च हुन नसक्दा अन्योलता बढेको छ ।

सुदूरपश्चिम प्रदेशका सात जिल्लाका मुक्त हलिया पुनःस्थापनका लागि सरकारले रु २६ करोड १७ लाख ७७ हजार ५०० वजेट विनियोजन गरिएको थियो । तर असार महीनाको दोस्रो साता मात्र ‘क’ श्रेणीको परिचयपत्र पाएका घर जग्गा नभएका मुक्त हलिया परिवारलाई पुनःस्थापन गराउनका लागि विनियोजन गरिएको रकम खर्च नहुँदा उनीहरुमा अन्योलता बढेको हो ।

कञ्चनपुरसहित कैलाली, बैतडी, डडेल्धुरा, बझाङ, डोटी, बाजुरा र कर्णाली प्रदेशको सुर्खेत जिल्लाका एक हजार १३५ परिवार मुक्त हलियालाई पुनःस्थापन गर्न अर्थ मन्त्रालयले बजेट पठाएको थियो । आठवटै जिल्लाका ५८ वटा स्थानीय तहका पुनःस्थापन हुन बाँकी मुक्त हलियाको घरजग्गाको व्यवस्था गर्न रकम मन्त्रालयले आर्थिक वर्ष समाप्त हँुदै लाग्दा पठाएपछि खर्च हुन नसकेको राष्ट्रिय मुक्त हलिया समाज महासङ्घ नेपालका अध्यक्ष ईश्वर सुनारले बताए ।

“ढिलो गरी बजेट प्राप्त भएपछि जग्गा खरीद गर्नका लागि कानूनी प्रक्रिया पु¥याउन नसक्दा रकम परिचालन हुन नसकेपछि मुक्त हलिया परिवार पुनःस्थापन हुनबाट बञ्चित रहेका छन्”, उनले भने ।

कतिपय वास्तविक मुक्त हलिया पहिचान हुनबाट छुट्न गएका, विगतमा पुनःस्थापना गराउँदा जग्गाको लालपूर्जा उपलब्ध गराइए पनि कतिपयको जग्गा नभेटिने अवस्था रहेको, बाढी तथा पहिरोको जोखिम हुने क्षेत्रमा पुनःस्थापना गराइएका कतिपयलाई जग्गाको सट्टा भर्ना गरी पुनःस्थापना गर्नुपर्ने अवस्था रहेको छ ।