आज दिनभर आंशिकदेखि सामान्य बदली !

काठमाडौं । मनसुनी न्यून चापीय रेखा नेपालतिर सरेसँगै हाल मनसुन सक्रिय बन्दै गएको छ । जल तथा मौसम पूर्वानुमान महाशाखाका अनुसार हाल देशको पूर्वका पहाडी भू–भाग, मध्य तथा पश्चिमी भू–भागमा आंशिकदेखि सामान्य बदली भएको छ।

विभागको मंगलबार बिहानको मौसमी बुलेटिन अनुसार पश्चिमका थोरै स्थानमा हल्का वर्षा भइरहेको छ । पूर्वी तराईको मौसम सामान्यतया सफा रहेको छ ।

देशको पश्चिमी भू–भागमा सामान्य बदली साथै पूर्वी तथा मध्य भू–भागमा आंशिकदेखि सामान्य बदली भई केही स्थानमा मेघ गर्जनसहित हल्कादेखि मध्यम वर्षा हुने सम्भावना रहेको मौसमविदले बताएका छन् ।

पश्चिमका पहाडी क्षेत्रका एक–दुई स्थानमा ठूलो वर्षा हुने सम्भावना छ । चट्याङ्ग पर्ने सम्भावना पनि रहेको जनाइएको छ ।

यस्तै मंगलबार राति देशभरको मौसम सामान्यतया बदली रही केही स्थानमा हल्कादेखि मध्यम वर्षा हुनेछ । पूर्वी क्षेत्रका एक–दुई स्थानमा राति ठूलो पानी पर्ने सम्भावना रहेको जनाइएको छ ।

मौसमी बुलेटिन :

मौसम विश्लेषण (Meteorological Analysis):

मनसुनको न्यून चापिय रेखा (Axis of Monsoon Trough) औसत स्थान भन्दा केहि उत्तर तर्फ (नेपाल तर्फ)  सरेको छ | 
देशभर समग्र मौसमको अवस्था (Present Weather Status):

हाल देशको पुर्वका पहाडी भुभाग, मध्य तथा पश्चिमी भुभागमा आंसिक देखि सामान्य बदली रहेको छ |  पश्चिमका थोरै स्थानमा हल्का वर्षा भइरहेको छ ।पुर्वी तराइमा मौसम सामान्यतया सफा रहेको छ।

आगामी तीन दिनको मौसम पूर्वानुमान (Three Days Weather Forecast): 

श्रावण २१  गते (मंगलबार)

दिउँसो: देशको पश्चिमी भु-भागमा सामान्य बदली साथै पुर्वी तथा मध्य भु-भागमा आंसिक देखिन सामान्य बदली रही देशको केहि स्थानहरुमामेघ गर्जन/चट्याङ्ग सहित हल्का देखि मध्यम वर्षा हुने संभावना छ।पश्चिमी पहाडको एक दुई स्थानमा भारी वर्षाको समेत सम्भावना रहेको छ ।

राती: देशभर सामान्यतया वदली रही केहि स्थानहरुमा हल्का देखि मध्यम वर्षा हुनेछ। साथै  पुर्वी क्षेत्रका एक दुई स्थानमा भारी वर्षाको समेत सम्भावना रहेको छ ।

श्रावण २२  गते (बुधबार)

दिउँसो: देशभर आंसिक देखि सामान्य वदली रही केहि स्थानहरुमा मेघ गर्जन/चट्याङ्ग  सहित हल्का देखि मध्यम वर्षा हुने सम्भावना छ।

राती: देशभर सामान्यतया वदली रही केहि स्थानहरुमा हल्का देखि मध्यम वर्षा हुनेछ।

श्रावण २३  गते (बिहिबार)

दिउँसो: देशभर आंसिक देखि सामान्य वदली रही केहि स्थानहरुमा मेघ गर्जन/चट्याङ्ग  सहित हल्का देखि मध्यम वर्षा हुनेछ।

राती: देशभर सामान्यतया वदली रही केहि स्थानहरुमा हल्का देखि मध्यम वर्षा हुनेछ।

आगामी २४ घण्टाका लागि चेतावनी तथा परामर्श (Warning/Advisory for next 24 hrs.):

देशको केहि स्थानहरुमा मेघ गर्जन/चट्याङ्ग पर्ने सम्भावना रहेकोले सतर्क रहन आग्रह गरिन्छ।