काठमाडौंमा आरक्षण बचाऔँ आन्दोलनकर्मी र प्रहरीबीच झडप

३२ साउन, काठमाडौं । काठमाडौंमा शनिबार दिउँसो ‘आरक्षण बचाऔँ आन्दोलन’ कर्मी र प्रहरीबीच झडप भएको छ ।

लोकसेवा आयोगको विज्ञापन रद्द गर्न माग गर्दै आएको आरक्षण बचाऔं आन्दोलन समितले गरेको प्रदर्शनमा झडप हुँदा करिव आधा दर्जन भन्दा बढि प्रदर्शनकारी घाइते भएका छन्।

प्रहरीले दिएको जानकारी अनुसार झडपमा नेपाल आदिवासी जनजाति महासंघका अध्यक्ष जगत बराम लगायतका घाइते भएका छन्,भने दर्जन बढी प्रदर्शनकारीलाई प्रहरीले नियन्त्रणमा लिएको छ ।

आन्दोलनकारी शान्ति वाटीका तर्फ जाने कार्यक्रम थियो। तर, बाक्लो संख्यामा परिचालित प्रदर्शनकारीले प्रहरीको लाठी खोसेपछि झडप भएको हो ।

आयोगले निकालेको विज्ञापन रद्द गर्न माग गर्दै आदिवासी जनजाति, मधेसी, महिला, मुस्लिम, उत्पीडित क्षेत्र, आपंगता भएका व्यक्तिहरु चरणबद्ध आन्दोलनमा छन्।