भारतीय २ लाख ५० हजारसहित एक जना पक्राउ

६ भदौ, पर्सा । जिल्ला प्रहरी कार्यालय पर्साले २ लाख ५० हजार भारतीय रकमसहित एक जनालाई पक्राउ गरेको छ ।

जिल्ला प्रहरी कार्यालय तथा व.प्र.का. विर्ता र प्र.चौ. ईनर्वा, पर्साको संयुक्त टोलीले विशेष सुचनाको आधारमा जिल्ला पर्सा विरगंज म.न.पा.वडा नं. १६ ईनर्वा, शंकराचार्य गेट स्थितमा नेपालबाट भारत तर्फ पैदल हिँडी जादै गरेका भारत विहारका वैशाली थाना लालगंज पोष्ट खन्जाहाचौकका वर्ष ३६ को मिथिलेस कुमारलाई ठूलो मात्रामा रकमसहित पक्राउ गरेको हो ।

भारतीय ठूलो मात्रामा रकमसहित पक्राउ परेका मिथिलेस माथि थप अनुसन्धानको लागि राजश्व अनुसन्धान कार्यालय पथलैया, बारामा पठाईएको पर्सा प्रहरीले जनाएको छ ।