गरिमा विकास बैंकका ग्रहकलाई उपचार खर्चमा २० प्रतिशत छुट

१३ भदौ, काठमाडौं । गरिमा विकास बैंक लिमिटेडका ग्राहकहरुलाई बिराट मेडिकल कलेज एण्ड टिचिङ हस्पिटलमा लाग्ने उपचार खर्चमा विशेष छुट मिल्ने भएको छ । बैंक र हस्पिटलबीच हिजो भएको सम्झौता अनुसार अब गरिमा विकास बैंकका ग्राहकलाई त्यस्तो सुविधा मिल्ने भएको हो । बैंकका तर्फबाट प्रमुख कार्यकारी अधिकृत गोविन्दप्रसाद ढकाल र बिराट मेडिकल कलेज एण्ड टिचिङ हस्पिटलका तर्फबाट अस्पताल अध्यक्ष डा. ज्ञनेन्द्रमान सिंह कार्कीले सम्झौतापत्रमा हस्ताक्षर गरेका छन् ।

सम्झौतापश्चात गरिमा विकास बैंक लिमिटेडका ग्राहकहरुले बिराट मेडिकल कलेज एण्ड टिचिङ हस्पिटलमा उपचार गराउँदा सम्पूर्ण प्रकारका उपचार शुल्कमा २० प्रतिशत सम्म छुट प्राप्त गर्नेछन । काठमान्डौंको लाजिम्पाटमा केन्द्रीय कार्यालय रहेको गरिमा विकास बैंक लिमिटेडका देशभर ८० शाखा र ३५ वटा एटीएम संचालनमा छन । विकास बैंकले निकट भविष्यमा नै देशका विभिन्न १५ स्थानमा शाखा कार्यालय स्थापना गर्ने योजनामा रहेको नायब महाप्रबन्धक/कम्पनी सचिव माधवप्रसाद उपाध्यायले नेपालबहस डटकमलाई जानकारी दिए ।