अम्रिसोको कुचो बिक्री गरेर लाखौं–लाख आम्दानी गर्दै किसान

मिना कंडेल

१३ भदौ, नवलपुर । पूर्वी नवलपरासी जिल्लाको डाडाँझेरीका बासीन्दाले बर्षेनी अम्रिसोको कुचो बिक्री गरेर लाखौको आम्दानी गर्न सफल भएका छन । यो गाउँका किसान बर्षेनी अम्रिसोको कुचो बिक्री गरेर एक घर परिबारले तीन लाखसम्म आम्दानी गर्ने गरेको बताएका छन् । भीर पाखा र नागाँ डाडाँमा दुई–दुई बर्षमा अम्रिसो लगाएर यहाँका बासीन्दाले त्यसबाट कुचो बनाएर सबै भन्दा राम्रो आम्दानी गर्ने गरेका डाडाँझेरी गाबिसका सचिब एबं अध्यक्ष यामप्रसाद भुषालले बताए ।

गत बर्ष यहाँ सडक पुगेकाले कुचो बिक्री गर्न मधेश झरेर सहज भएको थियो तर अहिले भने बाटो बिग्रिदाँ गाडी पुग्न नसकेका कारण कुचो विक्रि गर्न पैदल बाटो हिँड्न वाध्य भएको कृषकहरुको गुनासो रहेको छ । डाडाँझेरीका १५ घरका कृषकले अम्रिसो लगाएका र बर्षेनी २० लाख बराबरको कुचो बिक्री हुने गरेको छ । पछिल्लो समय अम्रिसो खेती तर्फ आर्कर्षित हुन थाले पछि यो खेती जीबीकोपार्जनको राम्रो माध्याम बनेको छ । यहाका किसानले दुई सय हेक्टरमा अम्रिसो खेती गरेका र पहाडी क्षेत्रमा यो नमुना बनेको भुषालले बताए ।

अम्रिसो लगाएको दुई बर्षसम्म गोडमेल गर्नु पर्ने र काटेर कुचो बनाउन सकिने कृषकहरुले बताए । कृषकहरुका अनुसार यो प्रत्येक दुई–दुई बर्षमा काटन् सकिने भएकाले पनि कृषकहरुले बर्षेनी फरक–फरक ठाउँमा यो खेती गरेर आम्दानी लिने गरेका छन । नमुनाका रुपमा रहेको यहाँको अम्रिसो खेती सबैका लागि उदाहरणीय बन्न सफल भएको गाबिस सचिव भुषालले बताए ।