प्रधानमन्त्रीबाट स्वदेशी डाक्टरहरूमाथि चरम अविश्वास, उपेक्षा र पेशाप्रति अपमान

१७ भदौ, काठमाडौँ । सत्तारुढ नेकपाका उपाध्यक्ष तथा सचिवालय सदस्य बामदेव गौतमले १७ भदौदेखि गर्ने भनिएको सिंगापुर यात्रा अन्तिममा आएर रद्द गरेपछि नेकपाका महासचिव विष्णु पौडेलमात्र आज त्यसतर्फ प्रस्थान गरेका छन् ।

प्रधानमन्त्री केपी शर्मा ओलीको स्वास्थ्य स्थितिबारे जानकारी लिन, यसअघि दुवै उच्चपदाधिकारी त्यसतर्फ जाने कार्यक्रम थियो । भदौ ५ गते सिंगापुर गएका प्र.म. ओली आफ्नो मिर्गौलाको उपचारात्मक सुधार गरेपछि आगामी शुक्रबार स्वदेश फर्किने सूचना उनी निकट आधिकारिक स्रोतले दिएको छ ।

भएको वास्तविकता के हो ?

प्रधानमन्त्री निकटको मेडिकल सूत्रले दिएको जानकारी अनुसार प्रधानमन्त्री ओलीको पिसाबमा क्रेटिनिन् तह २.० एमजी-डीएल देखियो, जब कि पुरुषको क्रेटिनिन् तह सामान्यतया १.२ एमजी-डीएल हुनुपर्छ । मिर्गौला विशेषज्ञ डा. ऋषिकुमार काफ्लेले दिएको जानकारी अनुसार कसैको स्वास्थ्यमा क्रेटिनिन्को तह त्यो परिमाणमा हुनु भनेको मिर्गौलाको कार्यक्षमता ३० प्रतिशतमात्र हुनु हो । क्रेटिनिन भनेको मांशपेशीहरूबाट निस्केको प्रोटिन तत्वयुक्त शारीरिक विकार हो ।

उनको दैनिक २० लाख खर्च गरेर यो उपचार गराईरहेका छन् । कुनै विशेषज्ञ वा उपकरण आवश्यक भएमा त्यो पनि यहीँ झिकाएर व्यवस्था गर्न सकिन्थ्यो । नौलो विधि भए त्यसबाट नेपाली डाक्टर तथा स्वास्थ्यकर्मीले नयाँ अनुभव लिने मौका पाउँथे भने ओलीकै जस्तो समस्याले पीडित भइरहेका कतिपय बिमारीले उपचारको अवसर पनि पाउन सक्थे ।

ग्रीक भाषामा क्रेटिनिन्को अर्थ मासु हो । पिसाबद्वारा उच्च परिमाणमा क्रेटिनिन् बिसर्जन हुनुको अर्थ हो त्यस्तो शारीरिक बिकार रगतमा अत्यधिक जम्मा हुनु, जसले मिर्गौलाको कार्यक्षमतामा ठूलो ह्रास हुनु हो । यसका लागि ‘प्लाज्माफेरेसिस’ नामक उपचार विधि (हे.तस्बीर) अपनाइन्छ ।

के हो प्लाज्माफेरेसिस ?

प्लाज्माफेरेसिस भनेको रगत सफा गर्ने उपचार विधि हो, प्रायः किड्नी डायलिस् जस्तै । रगतको पुरानो प्लाज्मा तत्व हटाएर ताजा प्लाज्मा रगतमा राखिन्छ । त्यसका लागि शरीरको रगत सुरक्षित ट्युबद्वारा मेशिनमा पठाइन्छ र ताजा प्लाज्मा मिलाएर फेरि शरीरमा फर्काइन्छ । यस प्रक्रियामा रक्तचाप एकदमै तल झर्ने हुन्छ । यसो हुँदा बिमारीलाई अत्यधिक थकान, वाकवाकी, रिँगटा लाग्ने, एलर्जी र कसैकसैमा रक्तस्राब पनि हुनसक्छ । हप्तामा २ वा ३ पटक अपनाइने यो प्रक्रिया डायलिसिस् प्रक्रियासँग मिल्दोजुल्दो छ ।

समाजवादी आवरण ओढेका कम्युनिस्ट नेताहरूमा सामन्ती संस्कारले ग्रस्त मनोवृत्तिले गर्दा सामान्य भइसकेको उपचारविधिमा समेत विदेशीमाथि नै आश्रित हुनु भनेको यहाँका डाक्टरहरूमाथिको चरम अविश्वास हो ।

बहिरंग बिमारीले पनि लिन सक्ने र एनेस्थेसियाजस्तो बेहोस बनाउने विधि नपर्ने हुनाले यो त्यति जटिल प्रक्रिया भने होइन । यो प्रक्रियाले रगतको विकारको परिणामस्वरुप उत्पन्न समस्याहरू भए ती पनि ठीक हुन्छन् । यस विधिबाट ठीक भएको मिर्गौलाले अरु ५ वर्षसम्म काम गर्नसक्छ ।

नेपाली डाक्टरहरू असन्तुष्ट

प्लाज्माफेरेसिस विधि मुलुकभित्र अपनाउन नसकिने होइन । त्यसका लागि विशेषज्ञ र मेडिकल टीम पनि छ । तर ‘समाजवादी’ प्रधानमन्त्री ओली सिंगापुरको महँगो होटलमा बसेर विगत १५ दिनदेखि यही उपचार लिइरहेका छन् । उनको दैनिक २० लाख खर्च गरेर यो उपचार गराईरहेका छन् । कुनै विशेषज्ञ वा उपकरण आवश्यक भएमा त्यो पनि यहीँ झिकाएर व्यवस्था गर्न सकिन्थ्यो । नौलो विधि भए त्यसबाट नेपाली डाक्टर तथा स्वास्थ्यकर्मीले नयाँ अनुभव लिने मौका पाउँथे भने ओलीकै जस्तो समस्याले पीडित भइरहेका कतिपय बिमारीले उपचारको अवसर पनि पाउन सक्थे ।

समाजवादी आवरण ओढेका कम्युनिस्ट नेताहरूमा सामन्ती संस्कारले ग्रस्त मनोवृत्तिले गर्दा सामान्य भइसकेको उपचारविधिमा समेत विदेशीमाथि नै आश्रित हुनु भनेको यहाँका डाक्टरहरूमाथिको चरम अविश्वास हो । नेपाल चिकित्सक संघका अध्यक्ष डा. मुक्तिराम श्रेष्ठले एक वक्तब्यद्वारा यसबारे चिकित्सकहरूले प्रधानमन्त्रीबाट अविश्वास, उपेक्षा र अपमान भोग्नुपरेको जनाइसकेका छन् ।

यसैकारणले गर्दा, कतै उपचारको आडमा अपारदर्शी र गुप्त एजेन्डाउपरको डिल त भइरहेको छैन भन्ने प्रश्नार्थक सन्देह पनि उठेको छ ।