विदेशमन्त्री वाङ यी आइतबार नेपाल आउँदै, राज्यमन्त्री बुढा चिनियाँ अधिकारीसँग भेटवार्तामा व्यस्त
नेपालबहस संवाददाता
भदौ २०, २०७६ शनिबार ३:७:४६
२० भदौ, काठमाडौं । परराष्ट्रमन्त्री प्रदीपकुमार ज्ञवालीको निमन्त्रणामा चीनका ‘स्टेट काउन्सिलर’ एवं विदेशमन्त्री वाङ यी नेपालको तीन दिवसीय औपचारिक भ्रमणमा आगामी आइतबार काठमाडौं आउँदै छन् ।
भ्रमणका क्रममा उनले राष्ट्रपति विद्यादेवी भण्डारी र प्रधानमन्त्री केपी शर्मा ओलीसँग बेग्लाबेग्दै भेट गर्ने कार्यक्रम रहेको परराष्ट्र मन्त्रालयले जनाएको छ । परराष्ट्रमन्त्री ज्ञवालीले आफ्ना चिनियाँ समकक्षीसँग सोमबार प्रतिनिधिमण्डलस्तरीय द्विपक्षीय वार्ता गर्नेछन् भने सोही दिन चिनियाँ विशिष्ट पाहुनाहरूको सम्मानमा रात्रिभोज आयोजना हुनेछ ।
चिनियाँ अधिकारीसँग भेटवार्ता
चीनको भ्रमणमा रहेकी संस्कृति, पर्यटन तथा नागरिक उड्डयन राज्यमन्त्री धनबहादुर बुढासँग बिहीबार सिछुवान प्रान्तको लसान नगरपालिका उपप्रमुखलगायतले राजधानी छन्दुमा भेटवार्ता गरेका छन् ।
त्यस अवसरमा दुई देशका राजनीतिक नेतृत्वबीच पारस्परिक हित र चासोका विविध विषयमा विचारविमर्श भएको संस्कृति, पर्यटन तथा नागरिक उड्डयन राज्यमन्त्रीको निजी सचिवालयले जनाएको छ ।
नेपाल र सिछुवान प्रान्तबीच सांस्कृतिक सम्पदाको संरक्षण, पर्यटन प्रवद्र्धनका साथै नेपाल भ्रमण वर्ष २०२० सफल तुल्याउन अधिकभन्दा अधिक चिनियाँ पर्यटकलाई नेपाल भ्रमणका निम्ति प्रेरित गर्न राज्यमन्त्री बुढाले अनुरोध गरेका थिए ।
लुम्बिनी विकास कोषका उपाध्यक्ष अवशेषकुमार त्रिपाठी, राष्ट्रियसभाका सदस्य दुर्गा उपाध्याय, तानसेन नगरपालिकाका प्रमुख अशोककुमार शाही, रामग्राम नगरपालिकाका प्रमुख नरेन्द्रकुमार गुप्ता, लुम्बिनी प्रादेशिक अस्पतालका वरिष्ठ अधिकृत डा सागर न्यौपानेलगायत भेटवार्तामा उपस्थित थिए ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसंसदका दुई समितिको बैठक बस्दै
पुष २५, २०८१ बिहिबार
अपिहिमाल गाउँपालिकाको विकासमा पहल गर्छु : अध्यक्ष प्रचण्ड
पुष २४, २०८१ बुधबार
विपिन जोशीको रिहाइका लागि पहल गरिदिन इजरायललाई परराष्ट्रमन्त्रीको आग्रह
पुष २४, २०८१ बुधबार
क्यानडाकी भावी प्रधानमन्त्रीमा भारतीय मुलकी अनिताको सम्भावना बलियो
पुष २५, २०८१ बिहिबार
'डार्क सर्कल'बाट पीडित हुनुहुन्छ ? उसो भए यो उपाय अपनाउनुहोस्
पुष २५, २०८१ बिहिबार
संसदका दुई समितिको बैठक बस्दै
पुष २५, २०८१ बिहिबार
मध्यपहाडी लोकमार्गको कास्की–बागलुङखण्डमा १९३ किलोमिटर कालोपत्र
पुष २५, २०८१ बिहिबार
तराईमा हुस्सु, उच्च पहाडी तथा हिमाली क्षेत्रमा हिमपातको सम्भावना
पुष २५, २०८१ बिहिबार
चिसो बढेपछि कञ्चनपुरका विद्यालय बन्द
पुष २५, २०८१ बिहिबार