जागरण अभियानमा सहभागिता जनाउन विभिन्न जिल्लाको भ्रमणमा पौडेल

५ असोज, भैरहवा । नेपाली कांग्रेसका वरिष्ठ नेता रामचन्द्र पौडेलले नेपाली काग्रेंसको दोश्रो चरणको जागरण अभियानमा सहभागिता जनाउन प्रदेश नम्बर ५ का विभिन्न जिल्लाको भ्रमण सुरु गरेका छन ।

५ नम्बर प्रदेशका रुपन्देही, कपिलबस्तु, प्यूठान, रोल्पा, दाङ तथा बाँके जिल्लाका विभिन्न कार्यक्रममा सहभागि हुने कायैक्रम रहेको पौडेलका सहयोगी चिरिन्जीवी अधिकारीले जानकारी दिएका छन ।

दोश्रो जागरण अभियानमा सहभागी हुन पौडेल आज भैरहवा पुगेका छन पौडेललाई गौतमबुद्ध विमानस्थलमा नेपाली कांग्रेसका रुपन्देहीका सभापति अब्दुल रज्जाक, कपिलबस्तुका सुरेन्द्रराज आचार्य लगायतका नेता तथा कार्यकर्ताले स्वागत गरेका थिए ।

पौडेलको विभिन्न कार्यक्रममा सहभागि भएर असोज १० गते काठमाडौं फर्कने कार्यक्रम रहेको छ । साथै असोज ६ गते विहान कपिलवस्तु वाट प्यूठान प्रस्थान गरी प्यूठानमा सम्वोधन गर्ने कार्यक्रम समेत रहेको छ ।

असोज ७ गते नेपाली कांग्रेस रोल्पा जिल्लाले आयोजना गरेको विभिन्न कार्यक्रमलाई सम्वोधन गर्ने योजना छ। असोज ८ गते स्वर्गद्धारीमा र त्यसपछि दाङ पुगी ९ गते विभिन्न कार्यक्रम लाई सम्वोधन गरी सकेपछि उनी असोज १० गते दाङबाट नेपालगञ्ज पुगेर हवाई मार्ग हुदैँ काठमाडौं फर्किने छन ।