इन्डोनेसियाको पूर्वी प्रान्त पापुआमा आगजनी, २७ जनाको मृत्यु

७ असोज, एजेन्सी ।  प्रदर्शनकारीले स्थानीय शहरका भवनमा आगजनी गर्दा कम्तिमा २७ जनाको ज्यान गएको छ ।प्रदर्शनकारीहरुले स्थानीय शहर वामेनाका भवनमा आगजनी गर्दा धेरै मानिस घाइते भएको बिबिसीले उल्लेख गरेको छ । स्थानीय शिक्षकले विद्यार्थीमाथि गरेको रंगभेदी टिप्पणीका कारण प्रदर्शन भएको हो ।

आजगनी बाहेकका फरक घटनामा सोमबार नै पापुआको राजधानी जयपुरामा चारजनाको ज्यान गएको जनाइएको छ ।पापुआमा यस्तो खालको हिंसा बारम्बार हुने गरेको छ ।

गएको अगस्टमा रंगभेदी टिप्पणीकै कारण हप्ता दिनभन्दा बढी समय तनावको अवस्था सिर्जना भएको थियो । सो इन्डोनेसियामा समाहित हुने पक्षमा परिणाम आयो ।

तर मात्रै एक हजार जनाको भोटले भएको निर्णय वैध नहुने अधिकांश पापुअन्सको भनाई रहँदै आएको छ ।यहि कारण लामो समयदेखि सो क्षेत्रमा स्वतन्त्रताको अभियान चलिरहेको छ ।

हालसम्म पनि इन्डोनेसियाबाट स्वतन्त्र हुनका लागि आन्दोलन हुँदै आएको छ । प्रदर्शनमा सहभागीहरु अधिकांश हाइस्कूलका विद्यार्थी रहेको बिबिसीले जनाएको छ ।