१६ असोज, काठमाडौं । मनसुनी गतिविधि अझै पनि निष्क्रिय नभएकाले मौसम बदली तथा क्षणिक वर्षाको सम्भावना दसैँको अवधिमा पनि रहेको मौसमविदले बताएका छन् ।

जल तथा मौसम पूर्वानुमान महाशाखाका अनुसार जनजीवन नै प्रभावित हुने गरी पानी पर्ने वा मौसम खराब हुने सम्भावना भने नरहेको छ ।

मौसमविदका अनुसार , ‘यो वर्ष मनसुन सामान्य भन्दा १० दिन ढिला गरी सुरु भएको थियो र बाहिरिने समय पनि पछ धकेलिएको छ । अहिले पनि मनसुनी गतिविधि निष्क्रिय छैन । आकाशमा देखिएको बादल मनसुनी प्रणालीकै हो ।’ यो वर्षको दसैँको अवधिमा टन्टलापूर घाम नलागे पनि लगातारको झरी पनि नपर्ने जल तथा मौसम पूर्वानुमान महाशाखाले जनाएको छ ।

सामान्यतया सेप्टेम्बर २३ मा नेपालबाट मनसुन बाहिरिने गर्छ, तर यो वर्ष ढिला गरी प्रवेश गरेकाले बाहिरिन पनि ढिला नै भएको मौसमविले बताएका छन् ।

आगामी तीन दिनको मौसम पूर्वानुमान

असोज १६ गते (बिहिबार )

दिउँसो: देशभरि आंसिक देखि सामान्य बदलि रहि मध्य तथा पुर्वका थोरै स्थानहरुमा साथै पश्चिमका १ वा २ स्थानमा हल्का वर्षाको सम्भावना छ।

राती:  देशको मध्य तथा पुर्वी भुभागमा आंसिक देखि सामान्य बदलि र पश्चिमी भुभागमा आंसिक बदली रहनेछ। मध्य तथा पुर्वी भुभागका थोरै साथै पश्चिमका १ वा २  स्थानहरुमा हल्का वर्षाको सम्भावना छ।

असोज १७ गते (शुक्रबार )

दिउँसो: देशभरि आंसिक देखि सामान्य बदलि रहि मध्य तथा पुर्वी भुभागका थोरै स्थानहरुमा साथै पश्चिमी भुभागका १ वा २ स्थानमा हल्का वर्षाको सम्भावना छ।

राती:  देशको मध्य तथा पुर्वी भुभागमा आंसिक देखि सामान्य बदलि रहि थोरै स्थानहरुमा हल्का वर्षाको सम्भावना छ। । पश्चिमी भुभागमा आंसिक बदली रहनेछ।

असोज १८ गते (शनिबार )

दिउँसो: देशभरि आंसिक देखि सामान्य बदलि रहि पुर्वी भुभाग लगायत मध्य पहाडी भुभागका थोरै स्थानहरुमा साथै पश्चिमी पहाडी भुभागका १ वा २ स्थानमा हल्का वर्षाको सम्भावना छ।

राती:  देशको मध्य तथा पुर्वी भुभागमा आंसिक देखि सामान्य बदलि रहि थोरै स्थानहरुमा हल्का वर्षाको सम्भावना छ। । पश्चिमी भुभागमा आंसिक बदली रहनेछ।

आगामी २४ घण्टाका लागि चेतावनी तथा परामर्श (Warning/Advisory for next 24 hrs.):

देशका थोरै स्थानहरुमा हल्का वर्षाको सम्भावना भएकोले सामान्य सतर्कता अपनाउनु हुन अनुरोध छ |