कता हराए महिला अधिकारकर्मी ?

नेपालबहस संवाददाता

असोज १६, २०७६ बिहिबार १९:४५:५५

१६ असोज काठमाडौं । बलात्कारको आरोप लागेर पदच्युत गरिएका नेकपा नेता कृष्णबहादुर महराको शालीनता फगत् नाटक रहेको पुष्टी भएको छ । सँगसँगै आफ्नो कुकृत्यले अर्काको जीवन नै वर्वाद गर्न समेत उनी चुकेनन् ।

संसद् सचिबालयकी स्वास्थकर्मी रोशनी शाहीसँगको अवैध सम्वन्ध सार्वजनिक भएसँग उनको राजनीतिक जीवन नै धरापमा परेपछि थप अपराधको बाटो रोजेका छन् ।

रोशनीले घटना सार्वजनिक गरेकाले राजनीतिक जीवन ध्वस्त भएपछि महराले बदलाको भावले थप अपराध गरेका छन् । रोशनीका पति चित्रजंग शाहीलाई प्रभावमा पारी पारपचुकेसम्मको अपराध गराएका छन् ।झण्डै तीन दसक लामो दाम्पत्य जीवन नै ध्वस्त बनाइ दिएका छन् । एउटी अवला नारीले सभामुख जस्तो गरिमामय पदमा आसिन व्यक्तिको पाप कर्म सार्वजनिक गर्दा उनले थप पीडा भोग्नु परेको छ ।

पतिकै प्रभाव र दवावमा रोशनीले घटना भएको भोलिपल्ट महरालाई जोगाउने आसयको बयान दिएकी थिइन् । सभामुख पद गएसँगै राजनीतिक जीवन नै तहसनहस हुने देखेपछि महराले चित्रजंगमार्फत रोशनीमाथि विभिन्न खाले टर्चर दिइएको स्रोतको दावी छ ।

रोशनीको बैवाहिक जीवनमा लाग्यो ब्रेक !

घटना नाटकीय रुपले अघि बढिरहँदा नेपालमा महिलावादीको नाममा बेला बेला सडक तताउने अधिकारकर्मी भने मौन देखिएका छन् । एउटी अवला महिलामाथि यत्रो अत्याचार हँुदासमेत महिला अधिकारकर्मी भने चूपचाप देखिनु आफैंमा बिडम्बना हो ।

बाघको छाला ओढेको ब्वाँसोका रुपमा महराको चेहरा उदांगो हँुदासमेत अधिकारकर्मीको आवाज नआउनुले धेरै कुराको संकेत गरेको छ । साथै यो घटनाले नेकपा भित्रको बेथिति र नक्कली शालिनतासमेत छलाछुल्ल भएको छ । खोजी पसे नेकपा भित्र यस्ता घटना मनग्गे पाउन सकिने दावी स्रोतले गरेको छ ।

महरा जस्ता धेरै ब्वाँसा नेकपा भित्र छन् , त्यो समयक्रममा बाहिर आउन पनि सक्छ – स्रोतको दावी छ । एउटी नारीको अस्मिता लुटिएको छ , अनि उसैलाई थप पीडा दिने काम भइरहेको छ , यो भन्दा लज्जास्पद के होला ?